Një konkurs letrar i “Flakës…” me vlera të mirëfillta artistike…

Shkruan:Tefik Selimi   Gjilan, 1 shkurt


 

Pas krejt aktivitetit kulturor, më në fund, Juria e konkursit letrar “Flaka e janarit” 2016, në përbërje: Sinan Sadiku, Albina Idrizi dhe Aziz Mustafa vlerësoi se konkursi letrar ishte tejet i suksesshëm. Njëri nga anëtarët e jurisë tha se, kësaj here arritën mjaft punime letrare, të cilat shënuan rritje të dukshme në krahasim nga viti paraprak. Ishte jo vetëm poezia, por edhe proza e shkurtër, e cila, sipas shijes sonë, qe me vlera të dukshme arti.

Andaj, në konkurs kanë ardhur 81 poezi, rreth një e treta e të cilave me vlera të mirëfillta artistike, ndërsa gjysma e tyre janë veçuar në rrethin e ngushtë për shpërblime. Juria është e kënaqur me nivelin artistik të poezive dhe konsideron se ka prurje të reja edhe sa i përket gjuhës poetike, edhe sa i përket ritmit dhe ndërtimit të vargjeve e edhe sa u përket ideve, temave dhe shprehjes emocionale.

Nje pamje nga Ora e madhe letrare ne Gjilan

Pas leximit, rileximit, dhe vlerësimit të poezive nga secili anëtar veç e veç, juria është takuar dhe pas propozimeve, diskutimeve e arsyetimeve në mënyrë unanime ka vendos të shpërblehen poezitë: vendi i parë i takoi poezisë “Rrena më e bukur…” – shifra “Ëndrra `16” (Ragip Sylaj – Suharekë; vendi i dytë i takoi poezisë “Gardhi” – shifra “Shuej” (Fadil Lepaja – Prishtinë); vendi i tretë i takoi poezisë “N`amë të fjalëve” – shifra “Blina” (Myrvete Osmani – Prishtinë).
Në konkursin e “Flakës…” kanë ardhur 35 tregime.

Është vlerësuar se është ruajtur niveli i viteve të kaluara edhe sa i përket sasisë e edhe sa i përket cilësisë. “Dorën në zemër cilësia e tregimeve nuk është në nivelin e poezive. Juria ka vendos të shpërblehen tregimet me sa vijon: vendi i parë i takon tregimit “Letër nga larg” – shifra, “Artemisa 2016” (Odise Plaku – Tiranë);
vendin e dytë e ndajnë tregimet: “Dhimbje e bardhë” – shifra “Pengu i jetës” (Mehmetali Rexhepi – Gjilan) dhe “Njeriu i marrë” – shifra “Sheshi pa lule” (Biser Mehmeti – Ferizaj). Ndërsa, vendi i tretë i takoi tregimit me titull “Kokën tuaj do ta hani” – shifra “Lisi i ahut” (Ismet Tafili – Gjilan).

Të shtojmë edhe këtë se, disa poezi dhe tregime eleminuar për shkak se nuk u janë përmbajtur kritereve të konkursit. Konkretisht janë eliminuar pesë poezi, sepse e kanë tejkaluar dukshëm numrin e vargjeve të parapara në konkurs. Po ashtu janë eliminuar dy tregime, njëri për arsye se autorja në vend të shifrës e ka shënuar emrin dhe tjetri për arsye se e ka tejkaluar numrin e faqeve.
Për botim në revistën letrare – kulturore “Agmia” propozohen poezitë: “Sagë për Doruntinën, shifra “Konstandini”; “Koha ime e arnuar”, shifra “Krizantema”; “Ara – mara”, shifra “Flaka e janarit – 2016”; “T`braktisunit”, shifra “Moza”; “Prishtina”, shifra “Makoti”; “Misteri”, shifra “Andy”; “I mbrojtur nga vetja, ju dhe të tjerët”, shifra “Monologu”; “Bisedë me një grua të palumtur”, shifra “Faqja 97 e ditarit” dhe “Ikonë flijimi”, shifra “Jeta”. Po ashtu për botim propozohen tregimet: “Ma kujto buzëqeshjen cicërimë”, shifra “Cicërima”, “Përtej lartësive”, shifra “Dardani” dhe “Të dashurosh ilirishte”, shifra “Fyelli ilirik”.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close