Armenia dhe Azerbajxhani përsëri në luftë

Konfrontime me intensitet të lartë kanë nisur në mënyrë të pazakontë mbrëmjen e djeshme dhe po vijojnë edhe sot midis forcave azere dhe armene përgjatë vijës së kufirit në Nagorni-Karabah, u njoftua sot nga Bakuja dhe Erevani.

nagorno

Sipas palës armene, Azerbajxhani nisi dje në mbrëmje një sulm intensiv në kufirin e Nagorni-Karabahut me praninë e tankeve, të forcave të policisë, artilerisë dhe helikopterëve, ndërsa forcat separatiste në Nagorni-Karabah, të mbështetura nga Armenia, kanë qëlluar një helikopter duke i shkaktuar humbje të rënda palës kundërshtare.

Azerbajxhani e ka përgënjeshtruar menjëherë këtë version, duke siguruar se asnjë helikopter nuk është rrëzuar dhe se forcat e tij i janë përgjigjur vetëm sulmit të palës armene me artileri të kalibrit të rëndë dhe granata hedhëse të mëdha.

“Të dyja palët bëjnë me dije se luftimet po vijojnë edhe ditën e sotme, në krahinat Khojavend-Fizuli dhe Agdere-Terter-Agdam”, sipas Azerbajxhanit.

Nagorni-Karabah është një rajon i cili shtrihet në Azerbajxhan, një zonë e populluar në kohën e Bashkimit Sovjetik me shumicë armene. Në fillim të viteve 1990, separatistët armenë të mbështetur nga ana e Erevanit, arritën të marrin kontrollin gjatë luftës ku u regjistruan 30 000 të vdekur.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close