Advertisements

Lugina e Valbonës,në hirin e bukurisë dimërore

ATSH / – Megjithëse në një situatë të rënduar përmbytjesh, jeta vazhdon në shumë aspekte të saja. Nga Valbona,njoftohemi se vizitorët e fundjavës kanë mbërritur atje. Turizmi i borës apo i Bardhë ka startuar.

Lugina e Valbonës e ka prishur bardhësinë e saj nga skiatorët dhe gjurmët e  vizitorëve  të fundjavës.

Valbona të emocionon në çdo stinë, edhe tani në fillimdimri,ajo ka mar një tjetër nur.

Ka hequr petkun e gjelbër dhe është veshur me të bardha. Ajo është një kompleksitet dukurish interesante, ashtu siç janë vet Alpet Shqipëtare.

Në çdo stinë, Valbona, është një sinonim i së bukurës. Edhe rrugët drejt saj , janë një vrapim piktoresk mes malesh. Janë disa rrugë që të çojnë në Valbonë, port ë gjitha lidhen me malet.

Ajo përmes luginës së Komanit që përfundon në Fierzë e mandej në Valbonë, kalon mes ujit dhe maleve.  Një tjetër lidhet me Rrugën e Kombit, nga Tropoja e Vjetër e në Valbonë, nga Prizëreni, por dhe nga Qafë-Mali kur nuk ka borë.

Të gjitha të çojnë drejt së bukurës Valbonë.

E kthyer në një oaz çlodhës  dhe përkëdhelës për të gjithë, në lartësinë e 800 metrave mbi nivelin e detit, në këto ditë dimri që të zgjojnë shijen e dimrit me dëborë kudo në luginën e Valbonës, turistët i janë ofruar bukurive të bardhësisë së.

Tashmë, turizmi aty është kthyer në biznesin më fitimprurës për banorët e kësaj zone, ku vazhdon të ruhet me fanatizëm mënyra e jetesës, ku tradicionalja vazhdon të mos preket, duke rritur interesin e të huajve dhe vëndasve.

 Në Valbonë ka hotele moderrne dhe shtëpi bujtina që presin vizitorët. mbi 20 hane që u shërbejnë turistëve në çdo stinë të vitit.

Ndoc Mulaj, natyralisti dhe miku i mjedisit, raportonë se bora tashmë ka shtruar në luginë dhe ka boll vizitor që kanë mbërritur aty.

Gjatë ditës organizohen piknik bjeshkëve, duke soditur majat e mbuluara me borë dhe duke shijuar ushqimet karakteristike të zonës të përgatitura për periudhën e dimrit, si pastërma, gështenja të ziera ose të pjekura (porogaça), e deri te turshitë karakteristike, domate, tranguj, speca, lakra e salcë kosi,duke mos harruar pijen tradicionale, rakinë e rrushit dhe të kumbullës. Valbona është e bukur dhe mikpritëse në çdo stinë dhe vizitohet në çdo kohë./

Advertisements
x Shield Logo
This Site Is Protected By
The Shield →
%d bloggers like this: