Advertisements
Take a fresh look at your lifestyle.

Homazhe sot në nderim të Kryetarit të Këshillit Kombëtar Shqiptar në Luginën e Preshevës , Jonuz Musliu

ATSH/.- Qytetarë, miq, të afërm, bënë homazhe sot në nderim të Kryetarit të Këshillit Kombëtar Shqiptar në Luginën e Preshevës dhe kryetarit të Lëvizjes së Progresit Demokratik, Jonuz Musliu, i cili ndërroi jetë dy ditë më parë pas një sëmundje të rëndë.

Kryeministri i Kosovës, Ramush Haradinaj, duke i shprehur ngushëllime familjes, bashkëluftëtarëve dhe qytetarëve të Preshevës e gjithë Kosovës theksoi se “Musliu ishte një atdhetar që jeta e tij kishte veç një kuptim, siç është përpjekja për të drejtën e popullit të tij”.

“Në librin e zisë për të shkrova vetëm një fjalë Jonuz si ti, si populli ynë, luftë vuajtje, por me nder”, tha Haradinaj.

Pas homazheve të zhvilluara në teatrin e Gjilanit u mbajt edhe një mbledhje përkujtimore ku u vlerësua kontributi i tij në avancimin e të drejtave të shqiptarëve në Kosovën Lindore.

Ndërsa kryetari i komunës së Gjilanit, Lutfi Haziri, theksoi se Jonuz Musliu aq shumë e ka dashur vendin, atdheun, kombin saqë ia ka kushtuar gjithë jetën e tij.

Ai tha se gjithë sakrifica e Jonuzit lidhet me rezistencën, veprimtarinë dhe me kryengritjen ushtarake. Gjithashtu, Haziri ndau një mirënjohje pasvdekjes për Jonuz Musliun për veprën dhe punën e bërë.

Për t’u ndarë me veprimtarin, Jonuz Musliu ishte edhe kryetari i komunës së Bujanocit,  Shaip Kamberi, i cili tha se një jetë më e mirë për të gjithë në Luginën e Preshevës dhe dashuria e madhe për vendlindjen ishin idealet që e kanë përshkruar rrugën jetësore të Musliut, që nga rinia e tij e hershme dhe deri në ditën kur sëmundja e rëndë e ndau fizikisht nga ne.

Kamberi theksoi se po ndahet vetëm fizikisht nga Jonuz Musliu, pasi do të vazhdojnë rrugëtimin e nisur bashkë.

Ndërsa në emër të kryeministrit të Kosovës, Ramush Haradinaj, foli këshilltari i tij Haki Shatri, i cili shprehu ngushëllimet për vdekjen e parakohshme të Jonuz Musliut. E në emër të familjarëve foli djali i Jonuz Musliut, Shqiprim Musliu. Ai tha se do të vazhdojnë të jenë pranë banorëve të Kosovës Lindore siç ka dashur babai i tij.

Musliu ishte kryetar i kuvendit të komunës së Bujanocit dhe kryetar i Këshillit Kombëtar të Shqiptarëve. I lindur në vitin 1959, Musliu ishte i burgosur politik, ndërsa ka drejtuar Këshillin Politik të ish Ushtrisë Çlirimtare të Preshevës, Medvegjës e Bujanocit, një formacion i kryengritësve shqiptarë që luftonin për më shumë të drejta në Serbi.

Pas përfundimit të konfliktit në zonë, në pranverën e vitit 2001, me ndërhyrjen e komunitetit ndërkombëtar, Musliu themeloi Lëvizjen e Progresit Demokratik dhe u përfshi në jetën politike në Luginën e Preshevës./KosovaPress/k.s/

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close