Advertisements

Kryeministri Haradinaj:Tri komunat e Luginës së Preshevës,do vazhdojnë të përkrahen nga Kosova

/ATSH/.- Kryeministri Ramush Haradinaj, shprehu sot përkrahjen e Kosovës për banorët dhe autoritetet lokale në tri komunat e Luginës së Preshevës.

Gjatë një takimi me udhëheqësit e koalicionit fitues të zgjedhjeve të jashtëzakonshme në komunën e Preshevës, Shqiprim Arifin dhe Sami Salihun, Haradinaj theksoi se “duhet të forcohen lidhjet dhe të vazhdojë komunikimi i rregullt për t’u angazhuar së bashku në zgjidhjen e problemeve dhe avancimin të zhvillimit e fuqizimit të rolit të kësaj pjese të rëndësishme”.

Kryeministri u njoh edhe me gjendjen e shqiptarëve të Luginës së Preshevës dhe në veçanti në Preshevë, Bujanoc dhe Medvegjë, si dhe për nevojën e forcimit të bashkëpunimit të ndërsjellë.

Në takim, u bisedua edhe për mundësitë e përkrahjes së Luginës në fushën ekonomike, të infrastrukturës, kulturës dhe arsimit.

Advertisements
%d bloggers like this: