FSK e Policia e Kosovës parakalojnë në Prishtinë për 10-vjetorin e Pavarësisë

Loading...

ATSH/- Festimet me rastin e 10-vjetorit të pavarësisë së Kosovës vijuan edhe gjatë ditës së sotme.

Në seancën solemne të Kuvendit të  Republikës së Kosovës për nder të 1 dekade pavarësi,morën pjesë një numër i madh të ftuarish të rëndësishëm, krerë rajonalë e miq ndërkombëtarë të shtetit më të ri të Europës.  Të pranishëm në këtë seancë ishin edhe presidenti Ilir Meta, kryeministri Edi Rama, kreu i Kuvendit të Shqipërisë, Gramoz Ruçi, kreu i PD-së, Lulzim Basha.

Aktivitetet festive vijuan me parakalimin e trupave të Forcës së Sigurisë së Kosovës dhe Policisë së Kosovës në sheshet “Nëna Terezë” dhe “Zahir Pajaziti” në Prishtinë.

Në fjalën e tij, presidenti i Kosovës, Hashim Thaçi ka deklaruar se momenti i shumëpritur i zyrtarizmit të ushtrisë tonë është duke trokitur në derën e hapur, pasi partnerët tanë strategjikë dhe NATO janë duke e përkrahur plotësisht këtë proces.

Presidenti Thaçi tha se bërja e këtij shteti dhe çlirimi i Kosovës i ka bashkuar breza të tërë të cilët flijuan gjithçka për të bërë realitet shtetin sovran dhe demokratik, e cila ndodhi para 10 viteve, pikërisht më 17 shkurt, që ishte dhe do të mbetet ngjarja më e rëndësishme e popullit tonë.

“Herën e fundit kur kishim një parakalim të FSK-së ishte para katër viteve. FSK i kishte kryer të gjitha përgatitjet për t’u transformuar në Forcë të Armatosur të Kosovës. Fatkeqësisht ne si politikë e Kosovës nuk ishim në gjendje që t’i përcjellim si duhet në hapa Forcat e Armatosura të Kosovës, por tani gjërat kanë ndryshuar në Kosovë. Si presidenti i Kosovës jam i vendosur që shtetin e Kosovës ta bëjmë me ushtrinë e tij dhe atë sa më shpejt është e mundur”, tha ai.

Presidenti Thaçi shtoi se FSK dhe Policia të cilat janë më të mirat në rajon, janë edhe fuqia e shtetit dhe garanca më e mirë e sigurisë dhe stabilitetit të vendit tonë, prandaj momenti i shumëpritur i zyrtarizmit të ushtrisë tonë është duke trokitur në derën e hapur.

Sipas tij, partnerët tanë strategjikë dhe NATO janë duke e përkrahur plotësisht këtë proces të ushtrisë së Kosovës sepse ajo do të jetë vetëm një vlerë tjetër e shtuar në shërbim të paqes dhe stabilitetit në rajon dhe më gjerë.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close