Advertisements
Take a fresh look at your lifestyle.

LDK: Nuk lejojmë që Lista Serbe të jetë përcaktuese e fatit politik të Kosovës.Çfarë është kjo,paralajmrim për përkrahje koalicionit ?

ATSH/.- Lidhja Demokratike e Kosovës përmes një komunikate për media ka reaguar pas lajmit se Lista Serbe ka dalë nga koalicioni qeverisës, duke theksuar se LDK-ja, në asnjë rast, nuk do të lejojë që deputetët e Listës Serbe të përcaktojnë fatin politik të Kosovës.

“Dalja e Listës Serbe nga koalicioni qeverisës konfirmon vërejtjet që kemi bërë me rastin e themelimit të Qeverisë, kur votimi i saj u vonua deri sa nuk mbërritën nga Beogradi deputetët e Listës Serbe. Asnjë qeveri e Kosovës nuk mund të jetë e qëndrueshme, kur shumica e thjeshtë prej 61 votave në Kuvend varet nga deputetët e Listës Serbe, të cilët fatkeqësisht janë bërë një instrument i Beogradit dhe nuk sillen si përfaqësues të interesave të qytetarëve të Kosovës, nga të cilët janë votuar”, thuhet në deklaratën e LDK-së.

Në këtë gjendje të re të krijuar, LDK-ja garanton qytetarët se veprimet e saj do të jenë të matura dhe si gjithmonë në përputhje me interesin kombëtar të Kosovës.

“Qëndrimet e lidershipit të LDK-së, edhe në ditët në vijim do të jenë në dobi të përmirësimit të situatës dhe të kthimit të saj në favor të Kosovës”, thuhet në deklaratën e LDK-së./

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close