Advertisements

Kosovë-Bullgari,forcim dhe thellim i marrëdhënieve

ATSH/.- Kryeministri i Bullgarisë, Boyko Borissov shprehu të hënën në Prishtinë përkushtimin e vendit të tij në forcimin e marrëdhënieve mes të dy vendeve, partneritetit ekonomik dhe rrugën e përbashkët europiane.

Gjatë takimit me kryeministrin e Kosovës, Ramush Haradinaj, kreu i qeverisë bullgare, Boyko Borissov, theksoi se “midis shteteve tona nuk ka çështje të hapura. Synimet tona për investimet në infrastrukturë dhe në fusha të tjera kanë në fokus edhe Kosovën”.

Kryeministri bullgar Borissov e ftoi Haradinaj në një vizitë zyrtare në Bullgari.

Ndërsa kryeministri Haradinaj u shpreh se “Bullgaria ka një rol tejet të rëndësishëm në rajonin tonë dhe Kosova është e përkushtuar për marrëdhënie të ngushta dhe bashkëpunim ekonomik dhe politik me këtë vend europian”.

“Bullgaria e ka një aleat, Kosovën! Jemi të nderuar me prezencën tuaj në vend dhe vendet tona nuk i ndanë asnjë temë”, tha Haradinaj duke shtuar se për të dyja vendet është i rëndësishëm thellimi i bashkëpunimit ekonomik dhe rruga e përbashkët evropiane.

Kryeministri Haradinaj kërkoi nga Kryeministri Boyko Borissov mbështetjen e Bullgarisë për rrugën evropiane të Kosovës, si dhe për anëtarësim në organizatat ndërkombëtare dhe në procesin e njohjeve.

“Kosova ka nevojë për miqtë e saj në procesin e liberalizimit dhe anëtarësimit në BE. Bullgaria është një vend mik nga i cili presim mbështetjen në këtë proces. Kosova do të jetë gjithmonë e hapur për bashkëpunim ekonomik dhe politik me këtë vend. Ne e kemi dëshmuar edhe në të kaluarën që mund të kemi partneritet të ngushtë”, tha Kryeministri Haradinaj.

Në takim morën pjesë edhe Zëvendëskryeministri dhe ministri i Punëve të Jashtme, Behgjet Pacolli, zëvendëskryeministrat Fatmir Limaj, Enver Hoxhaj dhe Ambasadori i Kosovës në Bullgari, Shpend Kallaba.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close