Advertisements

“Troy Media”:Shqipëria e bukura e Europës

ATSH- I. Vata/ – Kanadezja, “Troy Media” e rendit Shqipërinë ndër 5 destinacionet më të bukura të Europës, pohon kryeministri EdI Rama, duke iu referuar artikullit kushtuar Shqipërisë.

Në një postim në Facebook, në rubrikën e përditshme “mirëmëngjes”, kryeministri Rama, shprehet, “MIRËMËNGJES dhe me këtë artikull të kanadezes Troy Media që e rendit Shqipërinë ndër 5 destinacionet më të bukura të Europës për pushime me çmime të arsyeshme, ju uroj një fundjavë të qetë”.

Në artikullin e “Troy Media” cilësohet se Shqipëria është një destinacion i përsosur ku mund të relaksoheni me një buxhet të ulët prej vetëm 20 – 30 Euro në ditë.

“Të gjithë dëshirojmë të shohim më shumë nga bota e mrekullueshme në të cilën jetojmë, por për ata me buxhet të limituar, kjo mund të duket si një ëndërr në diell…. ka plot opsione për të konsideruar në rastet e një buxheti të caktuar dhe ne kemi përzgjedhur disa prej tyre…..

Shqipëria është një destinacion i përsosur për çdo gjë, që nga një shkëputje nëpër qytet e deri tek një javë e qetë në plazh.

Tirana ju ofron vizitorëve një risi në shkëputjen tuaj në qytet, me familjaritet të mjaftueshëm për të përfshirë gjithçka që ju pëlqen!

Shtrirja e pacenuar e vijës bregdetare është praktikisht e paprekur për shkak të mungesës së turizmit masiv, që gjithashtu përbën arsyen për çmime shumë më të ulta! Nuk ka kurthe turistike këtu në të cilat të biesh, kështu që ju mund të rri duarkryq dhe të relaksoheni me një buxhet të ulët prej vetëm 20 – 30 Euro në ditë,” shkruhet në artikullin e Troy Media.

Advertisements

Comments are closed.

%d bloggers like this: