Advertisements

Ambasadorja e Finlandës në Prishtinë Stjernvall ,optimiste se së shpejti Kosova do të ketë liberalizim të vizave.

/ATSH/ – Ambasadorja e Finlandës në Kosovë, Pia Stjernvall, u  shpreh optimiste se së shpejti Kosova do të ketë liberalizimin e vizave.

Por, sipas saj, ka ende shumë punë për të bërë sa i përket korrupsionit.

“Fokusi i qeverisë së Kosovës duhet të jetë në përmbushjen e këtij kriteri të fundit që vendi duhet të plotësojë, që jo vetëm detyrimet në procesin e integrimit europian, por sjell shumë të mira për shoqërinë kosovare, me theks të veçantë për të rinjtë. Mendoj se është shumë e nevojshme të mendoni sa i përket anti-korrupsionit dhe krimit të organizuar, sepse ju nuk po e bëni këtë për BE-në, por po e bëni për veten tuaj dhe për Kosovën”, – theksoi ambasadorja e Finlandës në një intervistë për KosovaPress.

Teksa foli për korrupsionin, ambasadorja finlandeze apelon tek institucionet e vendit që të jenë më kërkues në luftimin e kësaj dukurie.

“Sigurisht të gjithë e dinë se ka shumë për të bërë sidomos sa i përket korrupsionit. Pra, masat kundër korrupsionit duhet të merren më seriozisht. Sa i përket krimit të organizuar, unë nuk jam shumë e informuar se çfarë është situata në këtë drejtim, kështu që unë nuk mund të komentoj shumë për këtë”, – thotë Stjervall.

Nesër pritet që Komisioni Europian të publikojë raportin për liberalizimin e vizave për Kosovën. Ky raport pritet të dëshmojë nëse vendi e ka plotësuar kriterin e fundit për viza, konkretisht luftën kundër korrupsionit dhe krimit të organizuar.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close