Advertisements

Dokumentari,ndihma e shtetit hebere në Kosovë

Është aktivitet i shoqatës “Miqësia Kosovë-Izrael” shfaqja e një dokumentari në ambientet e kazermës “Adem Jashari” që quhet “Mesazh nga Tel Avivi” .Në kuadër të po të njejtit aktivitet është hapur edhe ekspozita “Mbrëmja e Harruar për Kosovën”,krejt kjo kushtuar ndihmës izraelite gjatë periudhës së Luftës Çlirimtare në Kosovë.

Gjeneral brigade Enver Cikaqi, falënderoi organizatorët për vizitën dhe kohën që ndanë për këto aktivitete,dhe tha se 19 vjet pas luftës i kthehemi kujtimit të një periudhe të vështirë nëpër të cilën ka “Gjatë kësaj kohe popullit tonë i kanë dalë në ndihmë shumë popuj të cilët kanë pasur një histori të ngjashme me popullin tonë. Ne nuk do të harrojmë kontributin e gjithë popujve që ndihmuan dhe, kurrsesi, popullit të Izraelit, të cilët ndihmuan popullin e Kosovës duke mos harruar ndihmën që shqiptarët iu patën dhënë gjatë Luftës së Dytë Botërore”, tha ai.kaluar populli i Kosovës.
Gjangyle Iliazi një nga organizatorët e kësaj ngjarjeje u shpreh se marrëdhëniet në mes shqiptarëve në Ballkan pa dallim nga Shqipëria, Kosova, Mali i Zi, Maqedonia dhe Hebrenjve kanë një lidhje të fuqishme.

“Dua të them një fakt se gjatë Luftës së Dytë Botërore në Shqipëri nuk është vrarë as një hebre, dhe numri i tyre për t`u strehuar në tokat shqiptare është rritur në masë të madhe për shkak të shumë faktorëve siç janë: bujaria dhe besnikëria e shqiptarëve, pushtimi italian, bektashizmi, besa e shqiptarit e shumë faktorë të tjerë. Prandaj tani po kthehem tek mbështetja e popullit dhe shtetit Hebre në kohën e luftës në Kosovë, që ndihmuan në masë të madhe. Populli Hebre që jeton në SHBA dhe në Evropë ndikuan që në Kosovë mos të ndodhë spastrimi etnik. Gjithashtu edhe gjatë kohës së luftës u erdhën në ndihmë refugjatëve të zhvendosur nga vatrat e luftës e që ishin vendosur në Maqedoni dhe Shqipëri”, tha ajo,shkruan RTKLive.

Advertisements

Comments are closed.

%d bloggers like this: