Advertisements

Fajet i ka Shqipëria!

  • Nga Fahri Xharra

    ( Islami është një rrënjë e rëndësishme të pemës së shqiptarisë dhe të vetë burimit, burimit të ekzistencës së kombit tonë”, shprehet Edi Rama. Cili është qëllimi i këtij manipulimi historik ?)

Unë gjithmonë i kam para sysh fjalët e miqve të familjarëve të mi që në netët e gjata të dimrit mblidheshin pas darke dhe bisedonin . Dhoma e madhe ; por mbushja e saj me tym duhani nuk e pengonte bisedën e gjatë sa vetë dimri për atdhedashurinë . Edhe pse ishim në tokën tonë , por mbi krye i kishim regjimet e huaja. Shpresat i varnin tek Shqipëria . E unë si i ri mendoja se ,që të gjitha të mirat duhet të na vinin nga mëma ynë. Neve na kishin shkëputur nga trungu , por nuk i kishin prerë degët , rrembat dhe njomëzat e trungut.

Bisedohej . Plaku që e derdhte cigarën në cepin kryesor të dhomës e kishte si të domosdoshme të na përsëritete se pa Kosovë nuk ka Shqipëri. Por prapë se prapë të mirën gjithmonë e prisnim nga Shqipëria: na vinin librat të cilat i lexonim sa për një vrap pele, dhe prapë jetonim në pritje të së mirës.

Edhe gjatë verës kur e mbillnim duhanin për mbijetesë, e vapa të përvëlonte , prapë e njejta bisedë : atdhedashuria . Çka ishte patriotizmi ?A prekej ? jo. A kishte ngjyrë ? jo. A kishte shije ? jo. Ne nuk dinim më shumë , por vetëm se humbshim në deliriumin e së kaluarës ; plot heroizëm , tradhti , ndërskomësa dhe një shpresë që nuk fashitej ; sa mirë që e kemi Shqipërinë !

Ndiq e mos e zgjat , thotë një fjalë popullore “ shyqyr” që e kemi Shqipërinë !( thonjëzat janë për shkak të fjalës së huaj) Ata në zor e në zor , asgjë nuk dinim për njeri tjetrin.

Ndërruan kohërat , në Shqipëri lindi demokracia e në Kosovë u fitua liria . Prapë shpresat nga Shqipëria. Çdo popull e ka qendrën e vet të rëndesës , E ne që jemi rreth e përqark Shqipërisë e që kufizohemi me qëndron tonë të gravitetit , mbahemi të forte se e kemi një zë “tenori “ që duhej t`i ndihej ushtima nëpër qendrat botërore . Por…..

E dimë ne që fjalët “emocion, sfidë , suportim, ingredient “ as që kishim menduar t`i përdornim në fjalorin tonë të përditshëm në Kosovë ? sepse nuk janë shqipe , dhe nuk i përdorin në Shqipëri ( deri në vitet e 90-ta ).

E dimë ne që na humbi dëshira për gjuhë letrare , pasi që ajo nisi të shkërmoqej në Shqipëri ?

E dimë ne, se kurrë nuk kishim guxuar të kërkojmë gjuhën kosoovarishte dhe kombin kosovar sikur nga Shqipëria të vinin këshilla , vërejtje ?

Po kur dhe kush kishte guxuar në Kosovë që Oliver Jens Schmittin t`a bëj anëtar të Akademisë së Shkencave , sikur mos të ishin hullitë e pluguara në Shqipëri ?

Kur dhe kush guxuar që të flakareshi Skënderbeun në Kosovë , sikur ai të mos “serbizohej “ në Shqipëri ?

Kur dhe kish guxuar të kërkon ndërrimin e historisë në Kosovë sikur kjo mos të inicohej në Shqipëri ?

Fjala e nxjerrë fjalën dhe m`u kujtua që gjuhëtarët e Shqipërisë shkuan aq larg sa që e nxjerrën edhe gjuhën shqipe të një prejardhjeje me gjuhët sllave .

Fjala e nxjerrë fjalën dhe goja nuk rri urtë , dhe nga pezmi dhe zhgënjimi njeriu e flet edhe atë që nuk është për tu folur : “Kur u shpiken partitë politike në botën shqiptare ra Perandoria Osmane. Akoma edhe sot militantizmi partiak ja kalon çdo lloj gjëje në këtë vend. Më e shtrenjtë është partia se atdheu. Sa te prapambetur që jemi. Bëri zgjedhje Greqia brenda disa orëve i numëroj votat ,të nesërmen u betua kryeministri as iu as ciu, këto tonët janë kafshë, o pushtet o ska.(Elena Kocaqi )

Fajet i ka Shqipëria ! Mënyra e mos bërjes së shtetit solid si në Shqipëri ( për mbi 100 vjet) , po ndiqet edhe në Kosovë !

Mos më shihni për të madhe që po flas më shumë!

 

 

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close