Advertisements

Ramush Haradinaj rizgjedhet kryetar i Aleancës për Ardhmërinë e Kosovës (AAK)

ATSH/ – Ramush Haradinaj është rizgjedhur sot kryetar i Aleancës për Ardhmërinë e Kosovës (AAK) si kandidat i vetëm në Kuvendin e VIII-të zgjedhor të partisë, AAK-në Haradinaj e udhëheqë që nga themelimi.

“Ky besim është obligim i madh”, u shpreh Haradinaj para Kuvendit zgjedhor të AAK-së, duke premtuar për ta shumë punë edhe në të ardhmen.

Lideri i AAK-së, Haradinaj, aktualisht është Kryeministër i qeverisë së Kosovës i votuar nga Kuvendi në 9 shtator  2017, tre muaj pas zgjedhjeve të parakohshme nacionale të 11 qershorit.

AAK si parti është themeluar më 2 maj të vitit 2000 dhe pas zgjedhjeve të para parlamentare të pasluftës ishte pjesë e koalicionit të gjerë qeverisës, ndërsa pas zgjedhjeve të dyta, në koalicion me LDK-në, drejtoi qeverinë në 100-ditshin e parë me Kryeministër liderin e saj, Ramush Haradinajn.

Haradinja dha dorëheqje si kreu i qeverisë në 8 mars 2005, pasi u dorëzua vullnetarisht Tribunalit të Hagës, i cili e shpalli të pafajshëm më 3 prill 2008./

Loading...
Advertisements

Comments are closed.