Sindikata e  Punëtorëve të RTK-së ,komunikatë:Miratone ligjin për Televizionin publik të Kosovës

Loading...

Sindikata e  Punëtorëve të RTK-së ka lëshuar një komunikatë ku kërkon nga anëtarët e Komisionit Parlamentar për Media që të shpejtojnë procedurat për miratimin e ligjit të RTK-së.

“Po bëhen 3 vjet qëkur ka skaduar forma e financimit të RTK-së siç parashihej në ligj dhe që 3 vjet draft ligji për RTK ka mbetur në Komisionin Parlamentar për Media. Ne jemi të informuar se tashmë draftligji është përfunduar dhe ne si sindikatë jemi pajtuar që forma e financimit siç është paraparë me këtë draftligj është forma më e mirë e mundshme dhe është në përputhje të plotë me standardet evropiane për Transmetuesit Publik. Shumë Transmetues Publik të Bashkimit Evropian financohen në këtë mënyrë. Sepse kjo mënyrë siguron pavarësi më të madhe editoriale dhe është më e qëndrueshme. Ne punëtorët e RTK-së nuk po e kuptojmë pse ky draftligj, tashmë i përfunduar, po mbahet në Komisionin Parlamentar për Media dhe nuk po dërgohet për procedura të mëtutjeshme. Ne e dimë se procedurat për miratimin e një ligji mund të zgjasin me muaj të tërë, prandaj çdo vonesë mund të na lë edhe vitin tjetër pa financim të qëndrueshëm. Të nderuar deputete të Republikës së Kosovës, në RTK tash e 20 vite Transmetuesi Publik përballet me kushte të renda pune, improvizim te studiove, me investime minimale në teknologji, me presione prej më të ndryshmeve, pikërisht për shkak të financimit joadekuat dhe të paqëndrueshëm që e ka deri më tash. Prandaj, si përfaqësues të punëtorëve të RTK-së, të cilët me mund të madh janë duke e mbajtur të fortë Transmetuesin Publik, kërkojmë nga ju që t’i keni parasysh kërkesat tona legjitime”, thuhet në komunikatën e Sindikatës së Punëtorëve të RTK-së

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close