Duhanpirja pasive dhe pasojat

ATSH/ – Duhanpirja pasive është e dëmshme për të gjithë. Ajo shkaktohet nga thithja e tymit të cigares dhe nga mbetjet e produkteve që përmbajnë duhan. Në mbarë botën, përdorimi i duhanit vret më shumë se 7 milionë njerëz çdo vit, nga të cilat rreth 900,000 janë joduhanpirës që vdesin nga thithja pasive e tymit të duhanit.

Pasojat e duhanpirjes pasive: Rrit sëmundjet e zemrës, kufizon kapacitetin e mushkërive, ngushton arteriet, dobëson procesin e shërimit të trupit, rrit kolesterolin e “keq”, përkeqëson astmën dhe problemet e tjera të frymëmarrjes, si dhe rrit rrezikun për goditjet në tru dhe vdekjet e hershme.

Sa e rrezikshme është duhanpirja pasive?

Nuk ka nivel sigurie të ekspozimit ndaj duhanpirjes pasive. Ajo mund të shkaktojë dëmtime si te duhanpirësit, ashtu dhe te joduhanpirësit si dhe vdekje të parakohshme.