Advertisements

Në Universitetin “Isa Boletini” në Mitrovicë studentët kanë filluar mësimin në objektin e ri.

Me këtë rast rektori, Alush Musaj, ka uruar studentët, mësimdhënësit dhe punëtorët e administratës, duke e vlerësuar këtë si një lajm të madh për të gjithë.

Ai tha se kjo është një ditë e madhe jo vetëm për studentët dhe mësimdhënësit, por edhe për Mitrovicën dhe arsimin e lartë në Kosovë.

“Është një kampus madhështor, të cilin do ta gëzojnë studentët dhe mësimdhënësit tanë”, ka thënë Musaj.

Ai falënderoi Parlamentin Studentor për angazhimin e tyre sa i përket transportit të inventarit nga objektet që janë shfrytëzuar deri me tash.

“Studentët janë organizuar dhe kanë bërë një punë shumë të madhe në mënyrë që sa më parë të krijohen mundësi për sistemim në objektin e ri”, tha Musaj, duke kërkuar gjithashtu mirëkuptim për problemet që mund të dalin si pasojë e procedurave të zhvendosjes.

Rektori Musaj ka falënderuar edhe drejtuesit e ndërmarrjes “Trepça”, për mundësitë e ofruara gjatë këtyre viteve për funksionimin e Universitetit “Isa Boletini”.

Ai paralajmëroi edhe organizimin e një ceremonie madhështore për përurimin e kampusit të ri universitar.

Në kuadër të kampusit universitar që shtrihet në një hapësirë prej 17 hektarësh, janë ndërtuar objekte prej 30 mijë metrash katrorë që ofrojnë kushte komode për punë.  Në kuadër të këtij projekti që realizohet nga Ministria e Administratës Publike, planifikohet që të ndërtohet edhe mensa, konvikti dhe hapësira rekreativo-sportive.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close