Advertisements
Ultimate magazine theme for WordPress.

Kryeministri i Kosovës, Haradinaj mori pjesë në ceremoninë pritëse në nderim të KFOR-it gjerman

“Gjermania është një mbështetëse e madhe e Kosovës dhe ajo jo vetëm që përkujdeset për Kosovën, por edhe për rajonin. Është  qëllimi ynë gjithashtu që të vijmë në një ditë, që jo vetëm të absorbojmë nga ju, por të krijojmë së bashku në të gjitha fushat e jetës dhe mund të llogarisni në ne. Për ju kjo është shtëpia juaj çdo herë, vetë Kosova është shtëpia juaj”, tha Haradinaj.

Me këtë rast, kryeministri Haradinaj, tha se sonte janë bërë së bashku për një arsye të veçantë, për t’iu thënë faleminderit Budesëehrit dhe Gjermanisë për shërbimin e tyre, paqen dhe stabilitetin e vendit tonë.

“Por jo vetëm për këtë, e kemi këtu GIZZ-in e shumë partnerë tjerë nga ana e Gjermanisë, nga agjencitë gjermane të bashkëpunimit, kështu që në emër të asaj se çfarë kemi në duar, është një infrastrukturë mbi 40 milionë euro në kampin e Prizrenit për ta shfrytëzuar për trajnime, inovacion, biznese, edukim si dhe të vazhdojmë që ta ngrisim sa më lartë siç keni bërë ju ushtarët gjermanë. Ju e keni mbajtur lart flamurin gjerman dhe ne do të dëshirojmë që ta mbajmë sa më lartë atë me projektin e  ri i cili është projekt ekonomik, por që të jemi së bashku”, tha ndër tjerash kryeministri Haradinaj.

Ndërkaq, ambasadori i Gjermanisë në Kosovë, Christian Heldt, duke shprehur mirënjohje për pritjen e sotme në shenjë falënderimi për shërbimin e ushtarëve gjermanë, tha se ky është një gjest shumë i veçantë, jo vetëm në emër  të Qeverisë së Kosovë, por edhe si gjest i qytetarëve të Kosovës, si dhe atyre nga qyteti i Prizrenit, për t’i thënë lamtumirë kontingjentit të Prizrenit. Ambasadori Heldt tha se ndihet krenar që Kosova dhe Gjermania ndajnë përpjekjen e përbashkët të vazhdimit për projekte të reja.

Një fjalë rasti patën edhe Kryetari i Komunës së Prizrenit, Mytaher Haskuka, si dhe Komandanti i Kontingjentit Gjerman të KFOR-it, nënkolonel Eric Offermann, ndërkaq të pranishëm ishin edhe ministra, zëvendësministra, dhe zyrtarë të tjerë  institucionalë.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close