Advertisements

KRYEZOTI! *Poezi

Rexhep Hoti

Ti ishe larg vendlindjes një kontinent, një epokë,
Kur emrin IskanderBeg ta vuri vetë Perandoria;
Moti i Madh të priste të vije me kurorën e kohës,
Mbrojtja e qytetërimit evropian quhej Arbëria!

Me treqind kalorësit e ashtit u nise për në atdhe,
Komovica me ushtritë mbeti prapa me zallamahi;
Shpata e mendjes të bëri Kryezot në fushëbetejë;
Vetëtimat të nderonin me përkulje teksa kalëroje ti.

Kufiri i tokave të pikonte prej sulmeve në Lindje;
Formacionet e Shkërmoqura s’t’i mposhtnin dot;
Në përleshje me vdekjen frika s’ishte veç bindje;
Nënat s’kishin vaj për të qarë, nuk kishin as lot.

Vajkali, Torviolli a Kruja s’ranë kurrë nën hordhi,
Pa çka se Ballabani, Hamzai, ah, Mojsiu, Gjergj im,
E mbollën ndër skipetarë tradhtinë për lakmi;
Fjala e Përkrenares në Besëlidhje ishte kushtrim!

Në tokën e mbjellë me male perënditë i kanë tempujt;
Aty, Kryezot, e bëre Arbërinë me fisnikërinë e princërve;
Pirron e adhuroje prijës, por shpata të priste tutje;
Me kalorësin e artit të luftës qiellit ia dhuroje retë!

Dëbora erdhi me ethe në moshën e Atletit të Krishtit,
Piktura e Belinit s’kishte ngjyra për stinën e dashurisë;
Mjekra e thinjur u drodh: Nisuni ju, do të vij më vonë,
U the luftëtarëve e nga buza të ra fjala e fundit: Nanë!

Arbëria u bashkua njëherë se kishte mendje të ndritur;
Perandoria e mijëvjeçarëve u ndal se rronte embetha;
Evropa u frymëzua prej teje Gjergj, në shpirtin e kapitur;
Vestfalia e balsamosi shenjtin e paqes, e vari në petha!

Pasardhësi i Arbrit është në rrugëtim ndër shqiptarë
E trungu me rrënjë nga Iliria s’mund të ndahet në dysh;
Mbi egërsinë e republikave po vinte Ditëlindja e Majit;
Vellon për nusërinë ta sillni në të gdhirë gjithqysh!

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close