Advertisements

Ministria e Arsimit, Shkencës dhe Teknologjisë ka bërë serish thirrje për t’i dhënë fund grevës.

Ministri i Arsimit, Shyqiri Bytyqi, ka mbajtur sot një takim me drejtorët e drejtorive komunale të arsimit (DKA), ku është diskutuar për gjendjen e krijuar pas fillimit të grevës në arsim dhe mundësitë për të dalë nga kjo situatë.

Ai me këtë rast ka informuar drejtorët e DKA-ve për gjithë angazhimin që ka bërë MASHT-i, në mënyrë që të arrihet sa më parë një marrëveshje për të dalë nga kjo gjendje, e cila më së shumti po i dëmton nxënësit.

Gjatë këtij takimi, secili nga drejtorët e DKA-ve u deklaruan se janë kategorikisht kundër grevës dhe shprehën besimin e tyre që akterët vendimmarrës shumë shpejt të gjejnë një zgjidhje, e cila do të rezultojë me ndërprerjen e grevës.

Nga ky takim iu bë thirrje SBASHK-ut të ndërpresë grevën në sistemin arsimor, në veçanti nëpër çerdhe që nga dita e nesërme, si dhe u formua grupi punues që do të udhëhiqet nga ministri Bytyqi, pjesë e të cilit do të jenë tre drejtorë të DKA-ve dhe një përfaqësues nga Këshilli i Prindërve, grup i cili do të zhvillojë takime me përfaqësues të SBASHK-ut në funksion të arritjes së një zgjidhje.

Ndryshe, SBASHK më herët ka paralajmëruar se ndaj çdo presioni ndaj mësimdhënësve-grevistë do të ngre padi duke u bazuar në Ligjin për grevat.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close