Advertisements

Shkupi, qyteti me ajrin më të ndotur në botë

Qyteti i Shkupit të shtunën ka zënë vendin e parë në botë për nga ndotja e ajrit, duke u radhitur në grupin e kryeqendrave të Indisë, Bangladeshit e Pakistanit. Prania e grimcave PM10 dhe PM 2.5, sipas stacioneve matëse ka kapërcyer normat e lejuar madje për dhjetëra herë.

Drejtuesit e kryeqytetit të Maqedonisë, Shkupit ka nisur me zbatimin e masave urgjente për mbrojtje nga ndotja e ajrit. Transporti publik prej sot bëhet pa pagesë, me qëllim të uljes së numrit të makinave në komunikacion.

Në këtë kuadër, çmimet e parkingjeve janë dyfishuar, ndërsa janë ndërprerë edhe punët ndërtimore. Inspektorët janë urdhëruar të bëjnë kontrolle të rrepta në lokacionet ku dyshohet se bëhen djegia të gomave dhe materialeve tjera helmuese.

Ministria e Arsimit e Maqedonisë ka urdhëruar se gjysmë vjetori i dytë nëpër shkollë që do të duhej të fillonte të hënën, të shtyhet të paktën për dy ditë.

Por, këto masa nga opozita dhe sektori civil janë vlerësuar më tepër si populiste sesa masa që mund të japin efekte.

OJQ-të kanë kërkuar masa afatgjata, si subvencione për ndryshimin e mënyrës së ngrohjes dhe jo ndihmë vetëm për disa qindra amvisëri, si dhe masa në sektorin e ndërtimtarisë, ndërprerjen e punimeve apo mosdhënien e lejeve për ndërtesa shumëkatëshe, që pengojnë qarkullimin e ajrit si dhe masa tjera./REL

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close