Advertisements

Ministri serb i Mbrojtjes Vulin:Sa më shpejt të vendoset kufiri ndërmjet shqiptarëve të Kosovës e Serbisë.

Ministri i Mbrojtjes i Serbisë në Qeverinë të cilën e udhëheqë Ana Brnabiq nga partia e SNS e Aleksandar Vuçiqit ,Aleksandar Vulin i cili njihet edhe si një nacionalist dhe pro-rus i madh ,thotë se angazhohet që sa më shpejt të vendoset kufiri ndërmjet shqiptarëve të Kosovës e Serbisë.

“Pasi të konfirmojmë se ku është kufiri, atëherë edhe mund ta mbrojmë atë”.

Kështu ka thënë Vulin për gazetën e Beogradit “Veçernje Novosti”, pa treguar se kufiri ndërmjet Kosovës e Serbisë ka ekzistuar edhe më herët dhe ekziston gjithnjë edhe tash, me vendkalime kufitare ndërmjet dy vendeve e me roje ushtarake policore po ashtu në të dy anët e kufirit.

Në këtë intervistë të gjatë ai shqiptarët e Kosovës i ka quajtur me termin fyes serb “shiptari”, ndërsa ka paralajmëruar edhe rrezikun, siç ka thënë ai, nga krijimi i Shqipërisë së madhe duke u pyetur se a është më mirë të ndalohet krijimi i saj tash apo kur ajo të futet edhe në Serbi.

“Shqipëria e madhe tashmë është krijuar. Çështje është se sa pjesë të shteteve të tjera do të përfshijë. Me hyrjen e Maqedonisë së Veriut në NATO, të gjithë shqiptarët, me përjashtim të dy komunave në Serbi, do të jetojnë në një zonë unike të sigurisë dhe në hapësirën politike në kuadër të NATO-s. E me jetën e të gjithë shqiptarëve udhëhiqet nga Tirana”,ka theksuar ai .

Duke folur për ndarjen ose kufizimin, Vulin thotë se në rast të kësaj zgjidhjeje, ajo duhet konfirmuar me referendum.

“Disa fuqi të mëdha do të përkrahnin ndarjen, disa jo, ne duhet të marrim pjesë në këtë ndeshje”, thotë Vulini.

Lidhur me konstatimin se në rast të ndarjes, shumë serbë do të mbeteshin në Kosovën e pavarur, Vulin thotë: ”Unë s’e kam vizatuar kufirin , unë vetëm dua të ndahem nga shqiptarët e Kosovës”.

“Mendoj se ndarja është zgjidhja më e mirë. Nëse ndahemi nga shqiptarët, pas marrëveshjes, do të kishim më shumë mundësi t’i ndihmonim serbët që jetojnë në hapësirën me shumicë shqiptare se sa që kemi tash mundësi tash t’i ndihmojmë ata në hapësirat me shumicë serbe në Kosovë”, ka theksuar ai.

Sipas tij konflikti me shqiptarët e Kosovës nuk është dhe nuk mund të jetë konflikt ngrirë.

“Sa më shpejt që largohemi nga shqiptarët, aq më shpejt do të fillojmë së jetuari. Nëse nuk duam, atëherë me fat Kosova e tërësishme e me pavarësi”, ka thënë Vulin.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close