Advertisements
Ultimate magazine theme for WordPress.

Michael Roth:Shqipëria meriton negociatat

“Pavarësisht protestave të dhunshme të opozitës, qeveria gjermane vazhdon ta mbështesë çeljen sa më parë të bisedimeve të anëtarësimit për Shqipërinë”, konfirmoi për “Deutsche Welle”-n ministri i Shtetit, Michael Roth.

“Ne duhet t’i mbajmë premtimet tona, – tha ai. – Një vit më parë, në qershor, i dhamë Shqipërisë disa detyra me vete dhe kam përshtypjen se Shqipëria i ka përmbushur këto detyra: reforma ligjore, lufta kundër krimit të organizuar, kontrabandës së drogës, ndërtimi i një administrate moderne. Në këto fusha janë bërë përparime të mëdha. Sigurisht ka ende shumë për të bërë, por jam optimist se, mbi bazën e kritereve të qarta që janë përmbushur mund të bëhet një diskutim pozitiv për çeljen e negociatave të anëtarësimit me Shqipërinë”, transmeton TCH.

I pyetur nëse protestat, që kanë pasur edhe përshkallëzime të dhunshme, do të luajnë ndonjë rol, Roth u përgjigj se kritika është normale në çdo demokraci të gjallë, por dhuna, si mjet i demokracisë apo i politikës është absolutisht e papranueshme.

“Ne jemi shumë të shqetësuar për situatën politike në vend, në Shqipëri, dhe gjithashtu për përgjegjësinë e opozitës për dhunën. Pres që opozita të reagojë drejt në përgjegjësinë e saj për demokraci. Kam përshtypjen se opozita sikur nuk është aspak e interesuar që Shqipëria të anëtarësohet në BE dhe se po ndjek një politikë penguese të papërgjegjshme në kurriz të popullit të Shqipërisë”, ka qene komenti i tij.

“Nëse qytetarët kritikojnë qeverinë e tyre, ose parlamentarët, kjo duhet marrë seriozisht. Askush prej nesh nuk po e zbukuron situatën në Shqipëri. Por, këto shpërthime të dhunës nuk duhet të bëhen normalitet”, ka deklaruar Roth.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close