Advertisements

Hillary Clinton përmes video mesazhit uron Kosovën për 20 vjetorin e Ditës së çlirimit

Gjatë shënimit të Konferencës së Sigurisë në 20 vjetorin e çlirimit të Kosovës është shfaqur një video në të cilën Ish-sekretarja amerikane e Shtetit, Hillary Clinton, fliste për Kosovën si dhe për miqësinë që Amerika vazhdon ta ketë me shtetin tonë.

Clinton ka falënderuar ish-Presidenten e Kosovës, Atifete Jahjaga për lidershipin e saj, përderisa tha se ka pasur nderin që të udhëtojë e të përfaqësojë shumë gra, të drejtat e tyre gjatë periudhave të ndryshme në emër të ShBA-së.

“Unë asnjëherë nuk do ta harroj vizitën në kampin e refugjatëve në kufirin maqedonas gjatë kampanjës së NATO-s. Ne mirëpresim atë që Kosova na dhuroi, mikpritjen e atëhershme që mra në Ksoovë dhe super-takimet që kam pasur. Sërish sot kjo dëshmon edhe njëherë afirmitetin dhe sjelljen e ndërsjellët, por edhe shpreh humanitetin tonë të përbashkët. Por gjithashtu do të thotë nevojën për liri. Vizitat dhe shënimi i sotëm është përkujtim, por edhe shënim i paqes për të ardhmen e ndritshme që qytetarët  kovës e meritojnë”, tha Clinton.

Tutje ajo shtoi se pavarësia, paqja por edhe zgjedhjet që bëhen nga Kosova duhet të jetë përparimtare edhe në zhvillimin e ekonomisë.

“Ju e dini mjaft mirë se përgjatë gjithë viteve ka pasur ndryshime, misione dhe mbështetje të NATO-s, mirëpo ne e dimë se NATO mbetet esenciale për mbrojtjen e lirive të cilat janë fituar. Ne ndoshta nuk duhet të shikojmë më tutje se sa në Kosovë për të na përkujtuar fuqinë e kësaj dite. Ju asnjëherë nuk duhet që ta nënvlerësoni këtë dhe ta merrni si të mirëqenë dhe as ne nuk do ta bëjmë këtë”, shtoi ajo.

E njëjta tha se përveç bombardimeve që ishte detyrë e NATO-s, sot nuk arriti të ishte në Kosovë pranë qytetarëve kosovarë në festimin e lirisë.

“Unë nuk jam në gjendje që të jem me juve në festimin e përfundimit të këtij konflikti , por ju përkujtoj se jeni në mendimet e mija dhe iu dërgoj shumë përqafime. Dua që të merrni kohën e nevojshme për të përkujtuar të dashurit e juaj dhe për të përkujtuar të drejtën drejt anëtarësimit të BE-së. Mbani mend se shumë miq të juaj po ju mbajnë në zemrat e tyre dhe iu mbështesin në kauzat e juaja”, përfundoi ajo në videon e paraqitur në këtë konferencë.

Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close