Advertisements

Turqia nuk heq dorl nga blerja e raketave ruse

Tensionet midis SHBA dhe Turqisë nuk po ulen. Presidenti Erdogan e shpërfill Uashingtonin, sepse – pavarësisht anëtarësisë në NATO – nuk do ta anulojë kontratën e armatimit me Rusinë.

Qeveria turke i përmbahet planit të saj për të blerë një sistem rus të mbrojtjes raketore. Presidenti Rexhep Tajip Erdogan refuzon të tërhiqet nga marrëveshja me rusët. Kjo i zemëron SHBA, që i kërkojnë partnerit të NATO-s të blejnë sistemin raketor amerikan Patriot, në vend të sistemit rus S-400. Për këtë Erdogani tha në Stamboll se oferta nuk ishte aq e mirë sa ajo ruse.

Furnizimet e para me S-400 për Turqinë pritet të mbërrijnë në korrik. Uashingtoni ka frikë se Rusia, me anë të sistemit mbrojtës të instaluar në Turqi, mund të mbledhë të dhëna për kapacitetet e avionëve të rinj të maskuar F-35.

Turqia është partnere në ndërtimin e F-35 dhe sipas planit do të marrë disa avionë. SHBA e kërcënon Turqinë me sanksione, po të realizohet biznesi me Rusinë.

Sistemet S-400 besohet se janë në gjendje të shkatërrojnë në ajër avionë luftarakë dhe raketa. Katër divizionet e saj Turqia pritet t’i marrë në verë, me një çmim të përgjithshëm prej 2.5 miliardë dollarësh (2.23 miliardë euro). Një divizion ka dymbëdhjetë platforma startimi me katër raketa secila.

Kohët e fundit ka pasur tensione në rritje midis dy vendeve anëtare të NATO-s. Në vitin 2018, sanksionet amerikane shkaktuan një rënie dramatike të monedhës turke Lira. Uashingtoni i vendosi ato atëherë për shkak të rastit të një kleriku amerikan të arrestuar në Turqi. Edhe në konfliktin e Sirisë, Trumpi dhe Erdogani kanë qëndrime të kundërta.

bri/sti (dpa, afp)

Loading...
Advertisements
%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close