Advertisements

Me një ceremoni sot shënohet fillimi i projektit “Cilësi, llogaridhënie, integritet dhe transparencë në arsimin e lartë

Ky projekt është trevjeçar dhe ka për qëllim ta ngrit sistemin e arsimit të lartë në Kosovë në nivel të standardeve ndërkombëtare të cilësisë, transparencës, integritetit dhe llogaridhënies dhe është në përputhshmëri me mbështetjen e vazhdueshme të qeverisë austriake, veçanërisht në fushën e arsimit të lartë, për ta ndihmuar integrimin dhe përshtatjen e sistemeve të arsimit të lartë në Kosovë me standardet e rajonit të Evropës për cilësi dhe rezultate në punë.

Mbështetja e tillë ofrohet përmes zhvillimit të kapaciteteve të universiteteve publike për zbatimin e parimeve të Zonës Evropiane për Arsim të Lartë (EHEA) dhe përmes të përmirësimit të cilësisë dhe ngritjes së rëndësisë së programeve arsimore dhe të trajnimit për tregun e punës dhe me gjerë.

Ndikimi afatgjatë i këtij projekti është përmirësimi i cilësisë dhe i mundësisë konkurruese të sektorit të arsimit të lartë për të kontribuar në zhvillimin shoqëror dhe ekonomik të vendit.

Ky projekt financohet nga Agjencia Austriake për Zhvillim (ADA) me kontribut nga ana e Ministrisë së Arsimit, Shkencës dhe Teknologjisë (MAShT) dhe zbatohet nga Qendra për Arsim e Kosovës (KEC), Organizata për Ngritje të Cilësisë në Arsim (ORCA) dhe Qendra për Inovacion Shoqëror (ZSI).

Në ceremoninë e fillimit të projektit do të shfaqet një video prezantim i shkurtër rreth projektit dhe do të mbahen dy fjalime të shkurtra nga: Gernt Pfander, ambasador i Republikës së Austrisë dhe Shyqiri Bytyqi, ministër i Arsimit.

Të pranishëm gjithashtu do të jenë rektorët e institucioneve të arsimit të lartë në Kosovë, përfaqësuesit e Agjencisë së Kosovës për Akreditim, përfaqësuesit e zyrës së ADA-s në Kosovë, zyrtarë qeveritarë, ekspertë dhe personalitete të tjera. /RTKlive

Loading...
Advertisements
%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close