Advertisements

Deputeti gjerma ,Juratovic:Fitorja e Vetëvendosjes nën Albin Kurtin është një fitore e demokracisë.

Editor

Deputeti gjerman socialdemokrat Josip Juratoviç e quan rezultatin e zgjedhjeve të Kosovës një fitore për demokracinë. – Delegacion nga Bundestagu në Serbi dhe Kosovë.

Fitorja e Vetëvendosjes nën Albin Kurtin është për Josip Juratoviçin, socialdemokrat gjerman, deputet në Bundestag, një fitore e demokracisë. “një shenjë e mirë për demokratet dhe demokratët e vendit”. Deputeti gjerman ia tha këtë DW në prag të vizitës së tij në Serbi dhe Kosovë.  “Ndryshimi i mundshëm i qeverisë duhet të shihet si një dinamikë e re në zhvillimin demokratik të Kosovës. Megjithatë, rezultati, sidomos për Vetëvendosjen dhe Albin Kurtin, është detyrë dhe njëherazi përgjegjësi për të vënë në jetë në mënyrë aktive vlerat demokratike të partisë dhe vendit. I duhet zgjatur dora pakicës serbe të vendit për të ulur tensionet.  Këtu qeveria e re duhet t’i kthehet dialogut, në mënyrë që të vendosë stabilitetin dhe, mbi të gjitha, normalitetin për popullin e Kosovës. Ky dialog duhet t’u hapë të dyja palëve rrugën për një të ardhme paqësore me respekt dhe njohje të ndërsjelltë”, i  tha DW deputeti socialdemokrat dhe eksperti për Evropën Juglindore.

Juratoviç  ndodhet këtë të martë (8.109) në Beograd me një grup kolegësh nga Komisioni  parlamentar për çështje të jashtme,  konkretisht grupi parlamentar që merret me parandalimin civil të krizave. mënjanimin e konflikteve dhe veprimin e rrjetëzuar. Grupi udhëhiqet nga deputeti i të gjelbërve Ottmar von Holtz. Në delegacion marrin pjesë parlamentarë të të gjitha  partive.

Gjatë qëndrimit të tyre katërditor (08 -11 tetor 2019) deputetët do të njihen nga afër me mundësitë e rifillimit të dialogut mes Prishtinës dhe Beogradit dhe se çfarë mund të bëjë pala ndërkombëtare për ta ndihmuar procesin.

Siç bëhet e ditur nga Bundestagu, delegacioni do të vizitojë Beogradin, Mitrovicën dhe Prishtinën, ku do të takohet me përfaqësues të BE-së, OSBE-së, KFOR-it dhe EULEX-it, përfaqësues të OJQ-ve, do të vizitojë projekte pajtimi në terren dhe do të bisedojë me përfaqësues të të rinjve dhe aktivistë të paqes.

Loading...
Loading...
Loading...
Advertisements
Next Post

Kongresisti Eliot Engel kërkesë vendeve të Bashkimit Europian që t'i japin Kosovës liberalizimin e vizave

Kryesuesi i Komisionit për Punë të Jashtme në Kongresin amerikan, Eliot L. Engel i ka bërë thirrje Bashkimit Evropian të certifikojë Planin e liberalizimit të vizave dhe t’i japë Kosovës liberalizimin e vizave. Në letrën dërguar presidentit të Komisioni Evropian, […]
%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close