Lidhja Demokratike e bindur në arritjen e marrëveshjes me Vetëvendosjen

Lidhja Demokratike e Kosovës nëpërmjet një komunikatë për media bën të ditur se bisedimet me Vetëvendosjen do t’i vazhdojë ditëve në vazhdim pa caktuar ndonjë ditë të caktuar.

Një takim mes Isa Mustafës dhe Albin Kurti është zhvilluar të hënën por pa asnjë rezultat.

Që nga ajo ditë nuk ka pasur takim në mes të dy liderëve të këtyre partive.

Megjithatë asnjë zyrtar i LDK-së nuk është deklaruar që nga e hëna ndërsa sot janë mjaftuar vetëm me një komunikatë.

Komunikata e plotë e LDK-së:

Lidhja Demokratike e Kosovës është e përkushtuar të respektojë dhe zbatojë vullnetin e qytetarëve të Kosovës të shprehur në zgjedhjet parlamentare të 6 tetorit. Në këtë drejtim, ne kemi shprehur vazhdimisht gatishmërinë dhe zotimin tonë të palëkundur në arritjen e një marrëveshjeje bashkëqeverisëse me LVV-në, bazuar në fuqinë politike që u kanë dhënë votuesit dy partive, në frymën e bashkëpunimit drejt mbrojtjes dhe avancimit të interesave shtetërore të Kosovës.

 

Lidhja Demokratike e Kosovës ka punuar dhe është e vullnetshme të arrijë një marrëveshjeje të baraspeshuar, të qëndrueshme dhe afatgjatë. Diskutimet mes dy partive, LDK dhe LVV, do të vazhdojnë në mirëbesim dhe mirëkuptim, pa iu nënshtruar presioneve publike të askujt dhe duke krijuar një ambient të përshtatshëm dhe racional. Synimi ynë i përbashkët është të arrijmë një marrëveshje që ka prioritet vetëm dhe vetëm zotimet tona ndaj qytetarëve të Kosovës për të përmirësuar mirëqenien e tyre.

Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close