Advertisements

Mjekja që ngjall optimizëm:Qytetarët duhet të kuptojnë se koronavirusi ka një përqindje vdekshmërie shumë të ulët dhe se…

Në mes të panikut dhe frikës së qytetarëve, që vrapuan për të blerë maska dhe dizenfektues për koronavirusin, kryeinspektorja e Inspektoratit Shtetëror Shëndetësor, epidemiologia, Areti Beruka u shpreh se ajo si mjeke mezi po e pret rastin e parë të prekur me koronavirus në Shqipëri.

Sipas saj, qytetarët duhet të kuptojnë se koronavirusi ka një përqindje vdekshmërie shumë të ulët dhe se mund të menaxhohet shumë thjesht nga profesionistët e fushës, teksa bëri thirrje që të mos ketë panik.

“Por ta them personale, jo profesionale mezi e pres rastin e parë në fakt, unë si mjeke,”– u shpreh mjekja për Report Tv.

Rreziku potencial që shqiptarët të preken prej virusit është rritur ndjeshëm pasi Italia është vatra e tretë e koronavirusit në botë, ndërsa Greqia dhe Maqedonia e Veriut kanë konfirmuar ditën e sotme rastet e para. Për më tepër, të prekurit në vendet fqinje, por dhe në Austri, Kroaci, e Brazil janë persona që janë kthyer nga udhëtime në Italinë veriore dhe qendrore.

Pjesë nga biseda në studio:

Gazetarja: Vetë personalisht a keni frikë nga situata?

Mjekja: Absolutisht jo!

Gazetarja: Ka të bëjë me karakterin apo me profesionin?

Mjekja: Ndoshta me profesionin, edhe me karakterin. Por ta them personale, jo profesionale mezi e pres rastin e parë në fakt, unë si mjek.

Gazetarja: Pse?

Mjekja: E para do të kuptojnë njerëzit, profesionistët, që koronavirusi ka një gradë vijueshmërie shumë të ulët sesa ky që kemi tani. Përqindja e vdekshmërisë së saj është 2%. Mosha e fëmijëve 16 vjeç e kanë shumë të ulët dhe me shenja shumë herë më të lehta. Paniku që qytetarët kishin me SARS-in, apo me gripin e derrit, nuk është absolutisht më i rrezikshëm koronavirusi. Unë i’u them me bindje që në ‘96 kur unë kam qenë specializante ne kemi pasur rastin e ‘kolerës’, e menaxhuam dhe nuk patëm asnjë rast të rëndë apo me vdekshmëri. Mjekësia nuk bëhet me fall filxhani por me statistika, me të dhëna dhe me menaxhim. Na jepni shansin dhe mundësinë të menaxhojmë ashtu siç po e e menaxhojmë dhe fakti i skepticizmit është ky që po përpiqemi që të sqarojmë njerëzit për të kuptuar atë që duhet të besojnë. Pastaj është zgjedhja e tyre nëse duan të klikojnë lajmet false.

Gazetarja: Ti faleminderit që ishe me mua në studio. Do të jemi sërish sëbashku, unë nuk jam si ju, tek ajo kategoria që thoni, mezi pres rastin e parë. Unë nuk dua ta dëgjoj, megjithatë kur të jetë rastin e parë do t’ju kem sërish në studio

/portali DurresLajm/

Loading...
Loading...
Loading...
Advertisements

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close