Ultimate magazine theme for WordPress.

Jusuf Thaçi,apel:Mos defunksionalizoni ministrinë e arsimit

Zëvendësministri i Arsimit, Jusuf Thaçi, i ka bërë thirrje publike kryeministrit në detyrë Albin Kurtit dhe kryetarit të LDK-së që të mos e tërheqin ministren Hykmete Bajrami nga detyra.

Ai tha se pasojat do të ishin të mëdha nëse do të ndodhte një gjë e tillë në këtë kohë, njofton Klan Kosova.

“Apel Kryetarit të LDK-së që assesi mos ta tërheqë ministren Bajrami! (me këtë nuk po paragjykoj që Kryetari i LDK-së e ka në plan tërheqjen e ministrave të LDK-së). Apel Kryeministri Kurti që assesi mos ta shkarkojë ministren Bajrami! (me këtë nuk po paragjykoj që Kryeministri Kurti e ka në plan shkarkimin e ministrave të LDK-së)”, ka shkruar ai.

“Nëse kabineti në këtë ministri defunksionalizohet ose çrregullohet, ta dini që të gjitha emergjencat me pasoja afatgjata në këtë ministri do të mbeten të pa-adresuara e dëmet si pasojë e kësaj do të jenë të parikuperueshme, rrjedhimisht shumë të dëmshme dhe afat-gjata për arsimin në Kosovë. Gjithashtu, projekti i mësimit në distancë, ekstremisht i rëndësishëm për këto rrethana, mund të dështojë tërësisht”.

Jusufi tha se nuk dihet se çfarë mund të ndodhë orët dhe ditët në vijim, prandaj është lutur që të mos defunksionalizohet Ministria.

“Aman, së paku këtë nerv të vogël që e siguron mbijetesën e arsimit në këto rrethana të jashtëzakonshme mos e cenoni derisa të sigurohet zgjidhja tjetër!”.

Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close