Kosova ka pranuar sot dy grante milionshe nga qeveria gjermane

Një grant prej 7 milionë euro që ka për qëllim përmirësimin e aftësimit profesional, dhe 6.5 milionë euro për rritje të financimit në sektorin buj3ësor, që është dyfishim i fondit të financimit nga KFW për fondin kosovar për garanci kreditore.

(E plotësuar) Ministri i Financave dhe transfereve, Besnik Bislimi tha se këto dy marrëveshje financiare i adresohen dy prioriteteve të mëdha të Qeverisë së Kosovës, që është përmirësimi i kualitetit në arsim dhe rritja e prodhimit bujqësor në Kosovë.

Pas nënshkrimit të marrëveshjes, në një konferencë për media, Bislimi tha se një prej sfidave më të mëdha të tregut të punës në Kosovë, ka qenë mungesa e lidhjes së mirë në mes të tregut të punës dhe sistemit të edukimit.

“Përmes grantit prej 7 milionë euro nga qeveria gjermane do të mundësohet adresim i këtyre sfidave në sistemin edukativ të vendit, ndërkaq përmes grantit prej 6.5 milionë euro që i dedikohet fondit kosovar për garantimin e kredive do të mundësohet rritja e financimit për sektorin e bujqësisë në Kosovë. Siç e dini bankat hezitojnë pak a shumë të mbështesin sektorin e bujqësisë për shkak të risqeve proporcionale me të cilat asociohet ky sektor, rrjedhimisht nga totali i kredive të sistemit bankar një shumë, shumë e vogël apo 3% janë të alokuara për bujqësi, përmes këtij granti i cili i shtohet një granti të mëparshëm të KfW-së për fondin e garantimit të kredive tani ky fond do të ketë në dispozicion rreth 11 milionë euro për të mbështetur me garancione sektorin e bujqësisë”, tha Bislimi.

Ai tha se shpresojnë që përmes kësaj të rritet financimi për bujqësi.

Lidhur me grantin për sfidat e arsimit, Bislimi tha se nga i njëjti nuk do të përfitojë vetëm sektori publik por edhe ai privat.

E ambasadori i Gjermanisë në Kosovë, Christian Held tha se përkundër faktit të përballjes me pandeminë Covid19, duhet të kenë parasysh edhe aspektin socio-ekonomik, në mënyrë që të mundësohet zhvillimi i mëtejmë i ndërmarrjeve të mesme dhe të vogla.

“Me sa jam unë në dijeni, 87 milionë eurot e ofruara për fondit Kosovar për garanci kreditore kanë mundësuar që në anën tjetër të jipen afërsisht 180 milionë euro vlerë në kredi. Ja vlen gjithashtu të përmendet KfW e cila gjithashtu në këto rrethana ka dedikuar një kornizë të veçantë për sektorin të lënë pas dore bujqësor, edhe për zingjirin e furni zimit edhe për jetën në zonat rurale, kjo paraqet një sektor që edhe në të ardhmen dëshirojmë ta përkrahim ashtu që edhe në të ardhmen të shohim rafte të mbushura nëpër markete, ngase për momentin e shohim se çfarë rëndësie të madhe paraqet një gjë e tillë. Pra me këtë financim shtesë prej 6.5 milionë euro për këtë kornizë financiare ne do të ngrisim kapitalin e kësaj kornize në 11.5 milionë. Dhe mendoj të ketë një ndikim shumë të mirë sidomos pas disa muajve kur do të shihen në të vërtetë ndikimet e kësaj krize të koronavirusit, të bizneset e vogla dhe të mesme”, tha ai.

Ai tha se fondi kosovar për garanci kreditore deri më tani ka dëshmuar se është një partner i besueshëm.

Dy marrëveshjet financiare, grante nga qeveria gjermane u nënshkruan sot nga ministri i Financave dhe Transfereve, Besnik Bislimi dhe drejtori i zyrës së KfË-së për Kosovë, Rene Escheman.

Qeveria gjermane ndan dy grante për Kosovën

Ministri në detyrë i Financave dhe Transfereve, Besnik Bislimi dhe drejtori i Zyrës së KfW-së për Kosovë, Rene Escheman, kanë nënshkruar dy marrëveshje financiare, grante nga qeveria gjermane.

Bislimi tha se këto grante nga qeveria gjermane i adresohen dy prioriteteve të Qeverisë së Kosovës, teksa falënderoi shtetin gjerman për këto ndihma.

“Po nënshkruajmë dy marrëveshje financiare grante nga qeveria gjermane që i adresohen dy prioriteteve të Qeverisë së Kosovës, përmirësimi i kualitetit në arsim dhe rritja e prodhimit bujqësor në Kosovë. Falënderoj nga zemra Ambasadën Gjermane dhe taksapaguesit gjerman që në vazhdimësi kanë ndihmuar në realizmin e prioriteteve. Me këtë situatë me pandeminë, çdo Ndihmesë është e mirëseardhur. Në kohën e pandemisë është shumë me rendësi të shitjet gatishmëria e fermerëve kosovarë për me rritë prodhimin. Ndërsa granti për sfida t e arsimit, nga ky nuk përfitojnë vetëm sektori publik por edhe sektori privat”, shtoi ai.

Ambasadori i Gjermanisë në Kosovë, Christian Held, tha se pavarësisht situatës pandemike duhet të kihen paraysh zhvillimet afatmesme dhe ataftgjate të ekonomisë.

Ai tha se fondi kosovar për garanci kreditore ka dëshmuar se është instrument i mirë, ka dëshmuar se është partner i besueshëm

“Duke pasur parasysh kushtet e jashtëzakonshme kemi arritur të nënshkruajmë dy marrëveshje sot. Përkundër faktit që po përballemi me pandeminë duhet të kemi parasysh zhvillimet e mesme dhe afatgjata të ekonomisë. Fondi kosovar për garanci kreditore ka dëshmuar se është instrument i mirë, ka dëshmuar se është partner i besueshëm”, tha ai

 

Loading...
Loading...
Loading...
Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close