Irani lëshon fletarrest për Trumpin

Irani ka lëshuar fletarrestim kundër presidentit amerikan, Donald Trump dhe 35 të tjerëve, për shkak të vrasjes së gjeneralit të forcave elite të Gardës Revolucionare Islamike, Qasem Soleimani, përmes një droni më herët gjatë këtij viti.

Prokurori i Teheranit, Ali Alqasimehr, ka thënë se Trump dhe të tjerët, që sipas tij kanë përfshirë zyrtarët politikë dhe ushtarë amerikanë në këtë rast, përballen me akuza për “vrasje dhe veprime terroriste”, për shkak të vrasjes së Soleimanit në janar.

Ai ka pretenduar se Irani i ka kërkuar ndihmë Organizatës Ndërkombëtare të Policisë (INTERPOL) për arrestimin e tyre.

Sipas Prokurorit, Irani do të vazhdojë të ndjekë Trumpin edhe pas përfundimit të mandatit presidencial.

Vrasja e Soleimanit afër aeroportit të Bagdadit pati rrezikuar nisjen e një konflikti të drejtpërdrejtë ushtarak mes Shteteve të Bashkuara dhe Iranit, pasi Teherani, në shenjë hakmarrjeje, pati nisur sulme me raketa duke shënjestruar forcat amerikane në Irak.

Tensionet në mes të këtyre dy shteteve janë përshkallëzuar prej kur Shtetet e Bashkuara janë larguar nga marrëveshja bërthamore e vitit 2015, që Teherani ka nënshkruar me fuqitë botërore.

Më vonë, autoritetet amerikane kanë nisur fushatë me presion maksimal, duke dëmtuar rëndë ekonominë iraniane përmes sanksioneve.

Advertisements

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close