550 vjet me pare, 8 Komandantet Shqiptare qe u rropen te gjalle nga Turku

/Aurel Plasari

Ata ishin: Gjin Muzaka (kunat i Skënderbeut), Muzakë Komneni ose Muzaka i Angjelinës (nip i Skënderbeut), Vladan Gjurica (kushëri i Skënderbeut), Moisiu i Dibrës, Gjon Perlati, Nikollë Berisha, Gjergj Kuka dhe Gjin Maneshi.

Ja si e tregon thesarmbajtësi i Skënderbeut Demetrio Franco:

“Duke ndjekur trimërisht fitoren, u rrethuan me të shpejtë nga një skuadër armiqsh dhe, mbas një beteje fort të ashpër e të egër me kërdi të madhe mbi armiqtë, me fuqinë e armëve çanë përmes asaj lugine, u ngjitën majë kodrës ku, duke qenë disa njerëz të pashait [Ballabanit] dhe duke i pandehur ata për të krishterë, domethënë për të tyret, u rrethuan përsëri nga shumë turq, prej të cilëve u mbrojtën me trimëri, por më në fund u kapën dhe u shpunë ata kalorës fatkëqij në duart e ndyra të armikut Ballaban, i cili menjëherë i dërgoi në Kostandinopojë te Sulltani.

Me të marrë vesh prijësi Skënderbe, u përdhimtua tejmase dhe dërgoi aty-për-aty një ambasador në Kostandinopojë te Sulltani me lutjen që t’ia kthente tetë robërit, duke i ofruar si shpërblim robër të tjerë nga turqit e tij ose aq argjend sa ata të tetë peshonin. Por ai [Sulltani], i mbushur mllef e tërbim dhe i bërë me dije nga Ballabani për vlerën e tyre të përveçme, nuk deshi t’ia përmbushte kërkesën, madje për inat të tij më të madh urdhëroi t’i rripnin të gjallë pak-nga-pak për t’i munduar e sfilitur edhe më shumë, aq sa vijuan në atë martirizim për pesëmbëdhjetë ditë, në të cilat, duke qenë gjithnjë të vendosur e të patundur, ia dhanë më në fund shpirtin e tyre të shenjtë e të papërlyer Shelbuesit tonë, Jesu Krishtit të Bekuar”.

Nga: Gli Illustri et Gloriosi Gesti, et Vittoriose Imprese, Fatte Contra Tvrchi dal Sign. D. Giorgio Castriotto, detto Scanderbeg, Prencipe d’Epirro, etc., Vinegia 1584.

 

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close