Barbra Streisand,super ylli me hundë të madhe

Barbra Streisand, babai i së cilës e quante “përbindësh” dhe shokët e klasës “sqep-madhe”, sepse kishte hundë të madhe. U bë superstar në muzikë dhe kinematografi.

Kur ishte fëmijë, konsiderohej e shëmtuar, pasi ishte jashtëzakonisht e dobët dhe kishte puçrra në fytyrë.
U lind në Brooklyn, në një lagje hebreje. Babai i saj ishte fëmijë emigrantësh hebrenj. Vdiq disa muaj pas lindjes së saj nga një goditje në kokë.
Mjekët në spital i dhanë mbidozë morfine kur pësoi një krizë dhimbjeje dhe ajo e vrau.
Nëna e saj ishte në gjendje të keqe psikologjike dhe u shpërngulën tek prindërit e saj.
Si fëmijë, kujton se shikonte nga dritarja çdo ditë dhe priste të kthehej babai i saj.
Gjyshi i saj ishte shumë i rreptë dhe fshihej nën tavolinë për të mos e goditur.

Pasdite, i’a mbathte nga shtëpia dhe shkonte në një apartament fqinj aty pranë, ku lejohej të shikonte filma. Jeta e saj u përkeqësua kur nëna e saj u fejua me një burrë të martuar dhe mbeti shtatzënë.
Gjyshërit e saj e konsideruan turp familjar dhe i nxorrën jashtë shtëpisë.

Nëna e saj u rimartua dhe u zhvendosën në një apartament.
Njerku i saj e trajtonte keq dhe nuk e pëlqente.
E quante “përbindësh”, ndërsa motrën e saj më të vogël “e bukura”.
Kur i kërkonte para për akullore, i përgjigjej: “Nuk je e bukur sa duhet”.
Çuditërisht, nëna e saj ishte e ftohtë ndaj saj. Siç kishte deklaruar, në vend të dashurisë, i jepte ushqim.

Në shkollë, djemtë e tallnin dhe e quanin “sqep-madhe” sepse kishte hundë të madhe. Asnjëherë nuk u kërkua për takim dhe nuk kishte shoqërues në mbrëmjen e diplomimit, që për studentët amerikanë është një ngjarje e rëndësishme në jetën shkollore.
Endrra e saj ishte të bëhej këngëtare ose aktore. Studioi vepra të shkrimtarëve rusë dhe mori mësime aktrimi, të cilat i paguante duke u kujdesur për fëmijët e lagjes.

Megjithatë, në audicionet e para, përsëri u përball me reagime për paraqitjen e saj.
I thanë që ishte e shëmtuar, dukej “shumë hebreje” dhe duhej të bënte operacion plastik në hundë.
Vendosi të mos ndryshojë fytyrën dhe vazhdoi të ndjekë ëndrrën e saj.
Pamja e saj mund të mos ketë qenë pika e saj e fortë, por zëri i saj ishte harizmatik.
Filloi të këndojë në dyqanet nëntokësore në Manhattan dhe gradualisht fitoi një audiencë fanatike në komunitetet gay.

Ndryshoi emrin e saj dhe bënte prova me orë të tëra çdo ditë për tu përmirësuar. Shpejt u bë e famshme në botën e artit dhe në 1962 mori rolin e saj të parë në një shfaqje në Broadway, në të cilën luajti një hebreje të shëmtuar..
Në atë kohë, nënshkroi një kontratë me “Kolumbia” dhe u njoh me burrin e saj të parë, nga i cili pati fëmijën e saj të parë.
Në vitet në vijim, ish-“përbindëshi” bëri lidhje me Ryan Neill, Don Johnson, Chris Christopherson dhe kryeministrin e Kanadasë, Pierre Trudeau.

Albumi i saj i parë shiti mijëra kopje dhe u vlerësua si “Disc of the Year”.
Në vitin 1968 bëri debutimin e saj në muzikalin “Funny Girl” dhe fitoi Oskarin e lakmuar. Deri më tani, ka shitur më shumë se 140 milionë albume dhe ka fituar dhjetëra çmime muzikore.
Albumi i saj më i njohur qarkulloi në vitin 1980 nën titullin “Guilty” dhe përmbante këngën “Woman in Love”, që e bëri të famshme në të gjithë botën.

/Kalendari Enciklopedik Shqipëtar

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close