Zëdhënës i PDK-së e quan “fyerje për Kosovën” ftesën e Kurtit drejtuar ambasadave të huaja në Kosovë!

Avni Bytyqi, zëdhënës i PDK-së, ka kritikuar kryetarin e Lëvizjes Vetëvendosje, Albin Kurti, për ftesën që u bëri ambasadave të huaja që ta ndihmojnë Kosovën në përballje me pandeminë.

Reagimi i plotë:

Albin Kurti nuk është lideri i opozitës, por ish kryeministër që ka përgjegjësi të drejtpërdrejtë për situatën aktuale në Kosovë.

E para: Ftesa për asistencë nga ambasadorët e huaj se kinse na pret një katastrofë humanitare, është e turpshme, e papërgjegjshme dhe fyerje për shtetin e Kosovës.

E dyta: Nëse realizohet ky parashikim i errët i Albin Kurtit, ish-kryeministri është bashkëfajtor për dy gabime trashanike që e kanë sjellë Kosovën në këtë gjendje;

-Hapja e pakontrolluar e shtetit të Kosovës gjatë pandemisë për qëllime të ulëta politike – për të organizuar protesta. E që padyshim është njëra nga arsyet kryesore e shpërndarjes se virusit SARS-CoV-2 në këtë periudhë.

-Si dhe ofrimi i një pakoje financiare për zbutjen e krizës ekonomike, e cila asnjëhere nuk është zbatuar nga vet qeveria Kurti. Mijëra qytetarë e shumë ndërmarrje nuk e morrën ndihmen e merituar nga shteti.

Pra, ish-kryeministri nuk duhet të kërkojë ndihmë nga ambasadat por falje para qytetarëve, për prishjen e koalicionit në mes të pandemisë dhe braktisjen e qytetarëve të Kosovës në krizën më të madhe që nga përfundimi i luftës.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close