Ministri Zemaj u kërkon laboratorëve çmime korrekt për testime

Ministri i Shëndetësisë Armend Zemaj ka takuar sot drejtuesit e Autoritetit Kosovar të Konkurrencës, për të diskutuar në lidhje me licencimin e laboratorëve privat e të cilët do të kryejnë testet për të zbuluar prezencën ose jo të Covid-19.

Zemaj tha se janë takuar me kryesuesin e Autoriteti të Konkurrencës Valon Prestreshin, për të kërkuar respektim të politikave të konkurrencës dhe për të mos lejuar monopol.

Zemaj po ashtu tha se këtë takim e zhvilloi për tu siguruar nga ky autoritet  se laboratorët e licencuar nuk do të bëjnë asnjë lloj marrëveshje të ndaluar për caktimin e çmimit në dëm të kosovarëve.

“Ne kemi deleguar kompetencën e kërkesës tek institucionet tona të brendshme siç është inspektorati shëndetësor dhe si ministër i Shëndetësisë ju kërkova Autoritetit të Konkurrencës  monitoroj sjelljen e këtyre institucioneve në lidhje me caktimin e këtij çmimi. Jemi në kohë pandemi, në kohë emergjente, duhet të jemi përgjegjës para qytetarëve .Ne mbështetemi tek autoriteti i konkurrencës për të na siguruar se laboratorët nuk do të bëjnë asnjë lloj marrëveshje të ndaluar për caktimin e çmimit në dëmë të qytetarëve të Kosovës”, theksoi Zemaj.

Në anën tjetër Prestreshi theksoi se autoriteti i konkurrencës ka marrë të gjitha masat dhe u ka bërë thirrje institucioneve shëndetësore , sikurse Zemaj, të mos bëjnë marrëveshje mes vete në dëm të qytetarëve.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close