Ultimate magazine theme for WordPress.

Kërkojnë heqjen e kufizimit të lëvizjes për qytetarët

Oda Ekonomike Amerikane e Kosovës ka mbajtur takim me komitetin e Gastronomisë dhe Turizmit. Në këtë takim të rregullt është kërkuar nga Qeveria që të bashkëpunojë me sektorin e gastronomisë para se të marrin vendime që afektojnë me këtë sektor.

Anëtarët kanë kërkuar edhe të shpejtohet votimit për fillimin e aplikimit të pakos për rimëkëmbje ekonomike të propozuar nga Qeveria.

“Anëtarët e këtij komiteti vlerësojnë së është e domosdoshme të shpejtohet votimi dhe fillimi i aplikimit të pakos së rimëkëmbjes ekonomike të propozuar nga Qeveria, sepse shumë biznese në këtë sektor rrezikojnë të mbyllen, duke rezultuar kështu në humbje të mëdha të vendeve të punës. Ndërsa, sipas tyre, një çështje tjetër me rëndësi për t’u trajtuar është edhe ajo mbi pasiguritë e mbarëvajtjes së punës siç është caktuar deri më tani në ambiente të hapura pas muajit shtator, kur kushtet klimatike do të pamundësojnë një gjë të tillë”, thuhet në komunikatë për media.

E anëtarët e komitetit të Odës Amerikane për Gastronomi dhe Turizëm, derisa kanë theksuar se është e nevojshme të zbatohen vendimet për parandalimin e COVID-19, kanë bërë thirrje për heqjen e masës për kufizimin e lëvizjes pas orës 22:30.

“Komiteti i Odës Amerikane për Gastronomi dhe Turizëm thekson se është më se e nevojshme të zbatohen vendimet për parandalimin e përhapjes së pandemisë dhe të rriten kapacitetet inspektuese, dhe jo të aplikohen kufizime kolektive për të gjitha ndërmarrjet për shkak të moszbatimit të masave nga një numër ndërmarrjesh. Për më tepër, anëtarët e këtij komiteti bëjnë thirrje edhe për heqje të masës për kufizim të lëvizjes pas orës 22:30, e cila sipas tyre nuk është se ka dëshmuar të jetë efektive. Ky komitet ka për qëllim adresimin e nevojave të sektorit të gastronomisë dhe turizmit si në periudhën afatshkurtër, pra për fazën e rimëkëmbjes ekonomike pas shpërthimit të pandemisë COVID-19, ashtu edhe në atë afatgjatë”, thuhet në komunikatën për media.

 

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close