Ushtarë amerikanë në Poloni – Marrëveshja me firmën e Pompeos

Ministri i Jashtëm amerikan, Mike Pompeo nënshkroi gjatë turit të tij diplomatik në Europë edhe marrëveshjen përkatëse në Varshavë për stacionimin e ushtarëve amerikanë.

Ndërkohë ministri i Jashtëm amerikan, Mike Pompeo nënshkroi gjatë turit të tij diplomatik në Europë edhe marrëveshjen përkatëse në Varshavë për stacionimin e ushtarëve amerikanë. Mes tyre do të zhvendosen edhe ushtarë amerikanë që janë të stacionuar në Gjermani. Marrëveshjen për palën polake e nënshkroi ministri i Mbrojtjes, Mariusz Blasczak.

Presidenti polak, Andrzej Duda theksoi, se në fund në Poloni nuk do të ketë vetëm më shumë ushtarë amerikanë dhe më shumë infrastrukturë të ushtrisë amerikane. „Do të forcohet edhe garancia, që ushtarët tanë në çdo lloj rreziku, nëse është një rrezik për Poloninë apo SHBA do të qëndrojnë krah për krah.” Marrëveshja parashikon edhe zhvendosjen e një pjese të shtabit qendror të V.Korps të ushtrisë amerikanë në Fort Knox nga Kentucky në Poloni.

Aktualisht ka 4.500 ushtarë amerikanë në Poloni, por jo një bazë ushtarake amerikane të përhershme. SHBA dëshiron të tërheqë 12.000 nga 36.000 ushtarët amerikanë në Gjermani. Më shumë se gjysma do të kthehen në SHBA, pjesa tjetër do të shpërndahet në Europë, edhe në Poloni. Moska e kritikon prezencën e lartë ushtarake amerikane në Europën Lindore dhe në kufijtë e saj.

la/ag/dw

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close