Ministri Zemaj propozon masa shtesë kundër pandemisë

Ministri i Shëndetësisë në Kosovë, Armend Zemaj ka thënë se në mbledhjen e Komitetit për Menaxhimin e Pandemisë COVID-19, ka rekomanduar masa shtesë për parandalimin e përhapjes së koronavirusit të ri, që e shkakton sëmundjen COVID-19.

Masat kanë të bëjnë kryesisht me bizneset e gastronomisë dhe qendrat tregtare.

“Qendrat tregtare ushqimore dhe jo ushqimore të obligohen qe të kenë një punonjës i cili nuk lejon hyrjen brenda të konsumatorëve pa maska, në qendrat tregtare ushqimore mos të lejohet hyrja e konsumatorëve pa karrocë të blerjes ( sepse ajo vet e krijon distancën mes personave sa janë në market), lokalet e gastronomisë të jenë të obliguara qe një numër të tavolinave t’i kufizojnë për mos lejim për shërbim”, ka shkruar Zemaj në rrjetin social Facebook.

Zemaj ka kërkuar që të shtohet komunikimi brenda institucioneve për menaxhimin më të mirë të situatës së pandemisë, sidomos në periudhën e ardhshme kur pritet të fillojë viti i ri shkollor dhe sezoni i vjeshtës.

Qeveria e Kosovës së fundi ka fuqizuar disa masa për parandalimin e përhapjes së pandemisë. Në kuadër të masave obliguese është vendosja e maskës në publik, si dhe reduktimi i stafit nëpër institucionet private dhe publike. Një ndër masat në fuqi është edhe kufizimi i lëvizjes së qytetarëve në qytetet me më së shumti raste të të infektuarve.

Që nga muaji mars, në Kosovë nga koronavirusi i ri, janë infektuar 11.545 persona, prej tyre 410 kanë vdekur dhe 7.343 janë shëruar. Raste aktive janë 3.792.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close