Selmanaj (AAK):Zgjedhje nëse Haradinaj nuk zgjidhet president!

Deputeti i AAK-së, Rasim Selmanaj ka paralajmëruar se vendi mund të shkojë në zgjedhje nëse president nuk zgjidhet kreu i partisë së tij, Ramush Haradinaj.

Me anë të një postimi në Facebook, Selmanaj ka thënë se zgjedhja e presidentit varet nga AAK-ja, ose përndryshe në vend mund të ketë zgjedhje.

“Jemi të vetëdijshëm se zgjedhja e Presidentit varet kryekëput nga deputetët e AAK-së ose vendin e dërgojnë në zgjedhje ata që e bllokojnë këtë propozim”, thuhet në postim.

Madje Selmanaj ka shkuar edhe më tutje, duke thënë se shkuarja në zgjedhje i konvenon vetëm VV-së dhe AAK-së, pasi që sipas tij këto dy parti janë të konsoliduara me elektorat.

Postimi i plotë:

Rreth Presidentit dhe debatit:
Ne e kemi presidentin e zgjedhur, pavarësisht mendimit personal, unë dhe, besoj, një pjesë dërmuese e popullit janë me të në raport me Gjykatën Speciale, pasi besojmë fuqishëm në luftën e pastër të popullit tonë në fund shekullin 20-të.

Jemi të vetëdijshëm se zgjedhja e Presidentit varet kryekëput nga deputetët e AAK-së ose vendin e dërgojnë në zgjedhje ata që e bllokojnë këtë propozim.

Shkuarja në zgjedhje i konvenon vetëm VV-së dhe AAK-së, të cilat edhe janë të konsoliduara edhe kanë substancën elektorale të ruajtur mirë.
Pra, pavarësisht zërave kundër, nominimi i Haradinajt për President dhe zgjedhja e tij do t’i forconte institucionet dhe do të krijonte kredibilitet të një figure unifikuese për tërë qytetarët e Kosovës.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close