Presidenti Thaçi:Qeshtja e të pagjeturve është turpi i bashkësisë ndërkombëtare

Presidenti i Kosovës, Hashim Thaçi, ka thënë se Bashkësia Ndërkombëtare duhet të shfrytëzojë të gjitha mjetet në dispozicion për t’i bërë presion Serbisë dhe për të zbardhur fatin e të pagjeturve dhe zbardhjen e të gjitha krimeve që i kanë kryer në Kosovë.

Thaçi ka thënë se çështja e të pagjeturve është turpi i Bashkësisë Ndërkombëtare dhe sipas tij është për keqardhje që Serbia e ka politizuar zbardhjen e fatit të tyre.

Këtë thirrje kreu i shtetit e ka bërë me rastin e Ditës Ndërkombëtare të të Zhdukurve.

“Në Ditën Ndërkombëtare të të Zhdukurve kujtojmë 1647 qytetarët tanë të pagjetur. Çështja e të pagjeturve është turpi i bashkësisë ndërkombëtare dhe është për keqardhje që Serbia po e politizon edhe zbardhjen e fatit të tyre”, ka shkruar Thaçi.

“Bashkësia ndërkombëtare duhet t’i shfrytëzojë të gjitha mjetet që ka në dispozicion për t’i bërë presion Serbisë dhe për ta zbardhur fatin e të pagjeturve dhe çdo krim të kryer në Kosovë”, ka shtuar presidenti.

“Nuk do të ndalemi asnjëherë së kërkuari që të zbardhet fati i tyre. Nuk do të ndalemi asnjëherë së kërkuari drejtësi për çdo viktimë, për çdo të zhdukur, për çdo familje. HTH”, ka përfunduar ai.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close