AGK i reagon Ramush Haradinajt, i quajti zagarë gazetarët

Asociacioni i Gazetarëve të Kosovës ka reaguar pas deklaratave të ish-kryeministrit Ramush Haradinaj në drejtim të gazetarëve.

AGK në reagimin e tyre shkruajnë se e dënojnë ashpër gjuhën ofenduese të kreut të AAK-së në drejtim të gazetarëve.

Sipas tyre, Haradinaj mbrëmë (7 gusht), në një emision debatues i ka quajtur “zagarë”, gazetarët që kanë raportuar nga Uashingtoni, duke thënë se shumë prej tyre janë mercenarë që “me një kaçik të sulmojnë”.

“Kur më kanë thënë mua që ty do të sulmojnë mi kanë lëshuar menjëherë zagarët në shpinë, zagarët janë shumë gazetarë mercenarë që me një kaçik të sulmojnë. Menjëherë më kanë sulmuar, në sekond sikur kam kundërshtuar për Ujmanin, shihni prononcimet e gazetarëve tanë në Kosovë që kanë shkuar atje, gazetarët serbë nuk bëjnë kështu. Gazetarët serbë, e mbrojnë Vuçiqin. Gazetarët që kanë qenë në Ëashington, shihi statuset…”, citohet të ketë thënë Haradinaj.

“Për AGK-në është shqetësues fakti që gazetarët ende janë pre e linçimeve të tilla. Etiketimet si këto nga ish-kryeministri i vendit për Asociacionin e Gazetarëve të Kosovës, janë tërësisht të papranueshme dhe cenojnë rëndë lirinë e shprehjes.

AGK u bën thirrje përfaqësuesve të shtetit dhe liderëve politikë që të njohin rolin e gazetarëve në një shoqëri demokratike dhe të përmbahen nga ushtrimi i presioneve ndaj tyre”, thuhet në reagim./GazetaExpress/

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close