Kryeministri Hoti: Udhërrëfyes i dialogut është Kushtetuta e Republikës së Kosovës

Kryeministri Avdullah Hoti ka thënë se udhërrëfyes i dialogut është Kushtetuta e Republikës së Kosovës.

“Udhërrëfyes që nga dita e parë kur e kam marrë detyrën për procesin e dialogut është Kushtetuta e Kosovës. I kemi rikonfirmuar parimet tona për dialogun duke besuar se këto parime i nxjerrin jashtë loje komplet konspiracionet e shumta për takimet gjoja jopublike që kanë ndodhur mes delegacionit kosovar dhe atij serb”, ka shkruar Hoti në llogarinë e vet në “Facebook”.

Ai ka thënë se integriteti territorial i Kosovës është i panegociueshëm dhe kjo nuk është shtruar asnjëherë para tij në tre muajt e fundit në çdo tavolinë të dialogut që ka marrë pjesë.

“E dyta, organizimi kushtetues i Kosovës nuk mund të preket, që nënkupton se ruhet karakteri unitar i shtetit, se nuk ka asociacion me kompetenca ekzekutive në Kosovë dhe për të dyja këto parime të procesit të dialogut, kemi mbështetje të plotë nga partnerët tanë ndërkombëtarë , dhe Parimi i tretë, që marrëveshja duhet të jetë plotësisht në përputhje me Kushtetutën e Republikës së Kosovës. Ky proces duhet të rezultojë vetëm me njohje reciproke dhe assesi të mos mbetet një proces që e konsumon vetëm veten dhe që nuk prodhon rezultate në fund”, ka shkruar Hoti.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close