Të paktën 90 balena ngordhin në brigjet e Australisë

Ekipet e shpëtimit kanë bërë përpjekje të martën që të shpëtojnë qindra balena, të cilat kanë ngecur në rërën e brigjeve të ishullit australian, Tasmania, ndërkohë që dhjetëra gjitarë tjerë ujorë kanë ngordhur.

Biologët e marinës kanë vlerësuar se rreth 90 prej 270 balenave, kanë ngordhur në ujërat e cekët, prej kur është raportuar bllokimi i tyre një ditë më parë.

Operacioni i shpëtimit pritet të marrë disa ditë.

Përmes disa fotografive është parë një numër i madh i balenave në Portin Macquarie, rreth 200 kilometra në veriperëndim të kryeqytetit shtetëror, Hobart.

Balenat e bllokuara janë një lloj i delfinit oqeanik, që rriten deri në shtatë metra gjatësi dhe mund të peshojnë deri në tre tonë.

Rreth 40 shkencëtarë qeveritarë, 20 zyrtarë policorë, peshkatarë dhe vullnetarë tjerë, janë përfshirë në operacionin e shpëtimit.

Shkencëtarët nuk e dinë se çfarë nxiti tërheqjen e balenave në breg.

Daljet e balenave në brigje përbëjnë gjë të zakonshme në këtë rajon, ndonëse diçka e tillë, si më 21 shtator, nuk është parë nga viti 2009.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close