Nasim Haradinaj në Gjykatën Speciale:Po mbahem padrejtësisht

Nënkryetari i Organizatës së Veteranëve të Luftës së UÇK-së, Nasim Haradinaj ka thënë para gjykatësit në Hagë se po mbahet padrejtësisht aty.

Ai edhe në Hagë ka përsëritur se nuk e njeh Gjykatën Speciale.

“Nuk e njoh këtë gjykatë dhe nuk do ta njoh. Jeni me afat të skaduar prej 2 gushtit”, tha Haradinaj.

Ai ka kritikuar edhe deputetët e Kuvendit të Kosovës për formimin e Gjykatës Speciale.

“Kemi 150 mijë nënshkrime nga popullata që jemi kundër kësaj gjykate, faqezinjtë tanë deputetët për rroga të veta e kanë sjellë popullit këtu sot”, shtoi ai.

Haradinaj tha se është arrestuar padrejtësisht nga policia e EULEX-it.

“Jam padrejtësisht këtu, keni shkelur Kushtetutën e vendit tim, keni shkelur të drejtën e mendimit të lirë”, tha ai.

Haradinaj u arrestua më 25 shtator nga Zyra e Prokurorit të Specializuar në bazë të një fletarrestimi dhe urdhri për transferim, të lëshuara nga një gjykatës i Dhomave të Specializuara të Kosovës.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close