Ende nuk dihet kur hapet Qendra e Studentëve

Qendra e Studentëve të Universitetit të Prishtinës ende nuk ka marrë ndonjë vendim lidhur me hapjen e konkursit për pranim të studentëve në konvikte shkaku i situatës epidemiologjike në vend.

Drejtues të Qendrës  se Studentëve theksuan se janë në përfundim të projekteve që kanë qenë të planifikuara për këtë vit, por për shpalljen e konkursit janë pritje të marrjes se ndonjë vendimi nga Ministria e Arsimit, ajo e Shëndetësisë dhe Instituti Kombëtar i Shëndetësisë Publike.

Ende nuk është marrë vendim për hapjen e konkursit për pranim të studentëve në konvikte për shkak të situatës me pandeminë Covid-19 në vend. Drejtori i Qendrës së Studentëve, Fatmir Sfishta në një bisedë për Radio Kosovën se janë duke u finalizuar të gjitha projektet që kanë qenë të planifikuara për këtë vit dhe janë të gatshëm t’i presin studentët e rinj.

“ Ne si qendër e studentëve jemi duke i bërë përgatitjet finale në mënyrë që të gjitha projektet që kanë filluar me herët gjatë muajin qershor apo korrik, të përfundojnë në afatin e paraparë në muajin tetor apo javën e fundit të muajit shtator. Ne do të jemi të gatshëm ta përgatisim qendrën për pritjen e studentëve të rinj dhe kjo që po e them është për kushte normale”, ka thënë Sfishta.

Sfishta, tha se janë në pritje të marrjes se ndonjë vendimi nga Ministria e Arsimit, Ministria e Shëndetësisë dhe Instituti Kombëtar i Shëndetësisë Publike të Kosovës për shpalljen e konkursit për pranimin e studentëve të rinj.

“Në kushtet që jemi na në kushtet e pandemisë me Covid- 19  masat që janë marrë nga qeveria dhe  institucionet përgjegjëse ende tash për tash nuk ka siguri se a do të na jepet drita e gjelbër për shpalljen e konkursit për pranimin e studentëve në Qendrën e studentëve”, tha ai.

Ndër të tjera, Sfishta shtoi se është bërë dezinfektimi i të gjitha hapësirave dhe dhomave në Qendrën e Studentëve. Qendra e Studentëve e Universitetit të Prishtinës  ka kapacitet për pranimin e 4 mijë studentëve.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close