Kreu i Kishës Ortodokse Serbe në Mal të Zi infektohet me koronavirus

Kreu i Kishës Ortodokse Serbe në Mal të Zi u shtrua në spital për trajtim të koronavirusit, bëri të ditur Kisha.

Mitropoliti Amfilohije, 82 vjeç, ndodhet në Qendrën Klinike në Podgoricë.

Ai i kaloi ditët e fundit në izolim në shtëpi, nën mbikëqyrje të vazhdueshme mjekësore, thuhet në njoftimin e Kishës, të cilin e transmetojnë mediat serbe.

Mitropoliti Amfilohije thuhet se do të qëndrojë në spital për sa kohë që zgjat infeksioni.

Sipas njoftimit, ai ndihet mirë dhe mjekët e vlerësuan situatën e tij si të qëndrueshme.

“Iu bëjmë thirrje vëllezërve dhe motrave që të luten plot besim dhe dashuri, si për shërimin e shpejtë të mitropolitit, ashtu edhe për shëndetin dhe përparimin e të gjithë të sëmurëve”, thuhet në deklaratën e Kishës Ortodokse Serbe në Mal të Zi.

Mali i Zi është ndër vendet më të prekura nga koronavirusi në rajonin e Ballkanit Perëndimor.

Autoritetet atje kanë konfirmuar mbi 12,500 raste të të infektuarve me koronavirus dhe 188 viktima.

Raste aktive aktualisht jan 3,839.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close