Vetëvendosje: Qeveria po e shpërfill fatin e të pagjeturve

Lëvizja Vetëvendosje ka reaguar pasi kryeministri Avdullah Hoti dhe ministrja e Punëve të Jashtme, Meliza Haradinaj-Stublla refuzuan ftesën e deputetëve për të raportuar për të pagjeturit në komisionin parlamentar.

Sipas LVV-së, kjo mosparaqitje për raportim është dëshmi se Qeveria po e shpërfshill fatin e të pagjeturve.

“Kësisoj, refuzimi i mëhershëm i Driton Selmanajt dhe refuzimi i sotëm i Avdullah Hotit dhe Meliza Haradninaj Stubllas, janë dëshmi e shpërfilljes së tyre dhe të kësaj Qeverie të fatit të personave të pagjetur. Të pagjeturit po përdoren si monedhë për kusuritje dhe kushtëzim kinse me kthimin e personave të zhvendosur.”, thuhet ndër tjerash në komunikatën e LVV-së.

Vetëvendosje thotë se Serbia duhet të detyrohet t’i kthejë të pagjeturit. Kthimi i tyre, sipas LVV-së, do të duhej të ishte kusht për fillimin e dialogut.

“Zbardhja dhe kthimi i të pagjeturve është domosdoshmëri dhe duhet të jetë detyrim për Serbinë. Familjet e personave të pagjetur meritojnë të kenë përgjigjen për fatin e të dashurve të tyre dhe kthimin e trupave në tokën e Kosovës. Gjetja dhe kthimi i trupave do të duhej të ishte kusht për fillimin e dialogut e kurrsesi njëra nga temat që konsiderohen si të ezauruara për të mbetur e mbyllur pa zgjidhje”.

Qëndrimin e delegacionit të Kosovës që mori pjesë në takimin me Serbinë në Washington, LVV e ka konsideruar fyes për viktimat dhe popullin e Kosovës.

“Qëndrimi i këtij delegacioni ishte fyes dhe ofendues për të gjitha viktimat dhe popullin e Kosovës. Fyes dhe shpërfillës mbetet edhe sjellja e kësaj Qeverie. Çështja e të pagjeturve dhe viktimave të dhunimeve do të duhej të ishte prioriteti themelor i institucioneve si kërkesë e padiskutueshme dhe e pakushtëzuar. Serbia ka ndjekur politika shtetërore gjenocidale dhe për këtë çështje nuk mund të ketë kurrfarë justifikimi e kushtëzimi”, thuhet ndër tjerash në komunikatë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close