Gjenetika e vetëshkatërrimit ndër popujt e lashtë

Shkenca ende nuk ka dhënë shpjegime të mjaftueshme, pse mbi territoret e njëjta të Ilirisë së lashtë u ngritën perandoritë e mëvonshme, më të mëdha të kohës, sidomos Perandoria e Romës Lindore dhe Perandoria Osmane, të cilat së bashku kanë pasur jetëgjatësi afër një mijë gjashtëqind e pesëdhjetë vjet mbi territoret e lashta ilire-dardane, arbërore-shqiptare (1129+512).

Nga fakti se, me ndihmën e banorëve vendës ilirë (shqiptarë) u ngritën fillimisht këto perandori, pastaj u dominuan nga popuj të tjerë, të vërshuar në këto territore nga të katër anët e botës, mund ta gjejmë më lehtë shpjegimin edhe për problemet aktuale për mbijetesën e sundimeve të huaja mbi shqiptarët, përmes ideologjive politike dhe fetare, sidomos të komunizmit, edhe pas tri dekadave nga rënia e ish-regjimeve komuniste në ish-bllokun socialist të shteteve, satelite të Rusisë, si dhe prirja (gjenetika e vetëshkatërrimit) për t’u shërbyer interesave të huaja.

Pasi të studiohet siç duhet kjo rrjedhë historike, e vazhdimësisë, e mbijetesës dhe fatit të popullit shqiptar, do të del si domosdoshmëri rizgjimi kombëtar ndryshe i shqiptarëve dhe nevoja për një revolucion shpirtëror, fillimisht me rishkrimin (ndryshe) e historisë reale, për ta siguruar mbijetesën në të ardhmen, përballë sfidave të sotme të globalizmit dhe tendencave për asimilimin e popujve të vegjël nga fuqitë e mëdha të botës, në luftë të përhershme për dominim mes tyre.

(14.X.2020)

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close