Ultimate magazine theme for WordPress.

Komuna  e Drenasit distancohet nga ish-drejtori i saj që u arrestua për 2 milion euro

Komuna e Drenasit e ka quajtur “të pavend” identifikimin e Labinot Grudës me këtë komunë dhe përkatësinë partiake, PDK-në.

Gruda është arrestuar sot me dyshimin e vjedhjes së 2 milionë eurove nga Thesari i shtetit.

Komuna e Drenasit ka konfirmuar se Gruda është ish-drejtor i Financave.

“Lajmi i sotëm, se ish zyrtar i Komunës së Drenasit, Labinot Gruda, është paraburgosur, na ka shqetësuar pa masë. E vërtetë se Gruda, ka qenë i emëruar drejtor i Drejtorisë për Buxhet e Financa, më 7.2.2018 dhe në këtë detyrë ka shërbyer deri më 14.11.2018. Largimi i tij, ashtu si emërimi i tij, në krye të departamentit është bërë publik. Arsyet e largimit të tij nga posti i drejtorit, edhe zyrtarisht ka qenë “për arsye personale””, thuhet në reagimin e kësaj komune.

Tutje thuhet se, “fotografia e sotme e publikuar në media se z. Gruda është kuadër i PDK-së, duke u ilustruar me foton e kryetarit të Drenasit, Ramiz Lladrovci, është e pavend. Fotografia e tij krah kryetarit, është bërë gjatë dëgjimeve buxhetore me qytetarët, derisa z. Gruda ishte në krye të drejtorit të Drejtorisë për Buxhet e Financa”.

Komuna e Drenasit shton se Gruda është liruar nga posti i drejtorit me kërkesë të tij.

“Prandaj, identifikimi i tij me komunën e Drenasit dhe përkatësinë partiake është plotësisht e pavend. Angazhimi i tij në krye të Drejtorisë, ishte për arsye të përvojës, aspekteve profesionale dhe rekomandime për përvojën e tij në Ministri të Financave. Lirimi i Gruda është bërë me kërkesë të tij dhe është kthyer në Ministri të Financave. Nga kjo ditë, ai nuk ka pasur asnjë ndikim as qasje në Drejtorinë për Buxhet e Financa”, thotë Komuna e Drenasit.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close