Friday, November 27, 2020
Aktuale

Mësimi në Kosovë në dy variante

Në shkollat e Kosovës, mësimi vazhdon të mbahet herë në shkolla e herë në platformën online, për shkak të situatës që po përballen me pandeminë Covid -19.

Për këtë kalim nga një skenar në një tjetër, ekspertët dhe prindërit thonë se ka ndikim te nxënësit si dhe vështirësi në procesin mësimor. Ndërkohë, udhëheqësit e shkollave thonë se ky kalim ka edhe sfidat e veta.

Në shumë shkolla të Kosovës, herë pas herë është ndërprerë mësimi, varësisht nga rastet që kanë pasur me Covid-19. Disa prej tyre kanë kaluar në mësimin online dhe më pas i janë rikthyer shkollës. Për këtë kalim nga njëri skenar në një tjetër, njohësi i çështjeve të arsimit, Rinor Qehaja, tha për Radio Kosovën se ka ndikuar te fëmijët si dhe në cilësinë e mësimdhënies.

Ndërkohë, Shkolla “Faik Konica”, në Prishtinë, aktualisht është duke mbajtur mësim të kombinuar.

Drejtorja e kësaj shkolle, Jehona Oruçi, tha për Radio Kosovën se një grup i nxënësve është në klasë, ndërsa grupi tjetër ndjek mësimin në formën virtuale. Ajo theksoi se në fillim, ky lloj procesi ka pasur sfidat e veta.

Gjithashtu, prindërit theksojnë se në këtë situatë të pandemisë, vështirësitë në procesin mësimor janë shumë të theksuara. Rezarta Sefedini, që ka vajzën në klasën e katërt, thotë se ndërrimi nga shkolla në mësim online dhe përsëri kthimi në shkollë, ka shkaktuar vështirësi te fëmija i saj.

Mësimdhënësja e Shkollës “Gjergj Fishta”, në Prishtinë, Shpresa Latifi, thotë se ky proces mësimor po shoqërohet me vështirësi si tek nxënësit ashtu edhe tek mësimdhënësit.

Ndërkohë, rastet me Covid-19 kanë filluar të rriten edhe nëpë shkolla. Ministria e Arsimit ka theksuar se Kosova ka nevojë të mbajë shkollat hapur, pasi asnjë skenar tjetër nuk e zëvendëson pjesëmarrjen në shkollë. Por, ka theksuar se është e përgatitur edhe për skenarë të tjerë, në rast se mbyllen shkollat.

Prandaj, Ministria e Arsimit u ka bërë thirrje nxënësve, prindërve, mësimdhënësve dhe stafit të shkollave, që të respektojnë masat kundër pandemisë.

/adio Kosova

 

Similar Posts

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close